حوار عن الحب بين بينتين

بسم الله والصلاة والسلام علي اشرف المرسلين وسيد المحبين
سيدنا محمد عليه افضل الصلاة والسلام....
ده حوار بين بنتين عن الحب:
المكان:كافتريا فيها صورتين واحده مكتوب عليها حبيبي يارسول الله والتانية مكتوب عليها
بنحبك موووت يا جامد لمغني مشهور!!
الاولي:بحبه اوي
التانية:وانا كمان
الأولي: نفسي يكون بينا
التانية:وانا كمان
الأولي:نفسي اشوفه واكلمه
التانية:وانا كمان
الأولي: ضحي عشانا كتييير
التانية:وانا...ضحي !!!!
الأولي:اصحابه كمان كانوا بيحبوا

لتانية:اصحابه!!!
الأولي:وناصروه ودافعوا عنه كتيير
التانية: ناصروا!ودافعوا!
انتي بتتكلمي عن مين؟!
الأولي:بتكلم عن اللي مستعدة اضحي بعمري ومالي واهلي بس اشوفه ولو من بعيد

التانية :انت قصدك علي مين؟؟
الأولي:طبعا حبيب قلبي وقلب كل الناس ,,رسول الله حبيب الله خير خلق الله
التانيه: ايه!!!!؟
الاولي:امال انت كنتي فاكرة ايه؟

التانية:انا لا ابدا خالص مفيش حاجة
التانية :بس معقولة انت بتحبي النبي كده
الأولي: بس ياريت اعرف اعبر عن حبي واعمل حاجة تخليه راضي عني

التانية:طيب ليه؟بتحبي كده ليه؟ده انتي اساسا مشفتهوش
الأولي:الاسباب ملهاش نهايه
ازاي محبوش وربنا بيحبه
ازاي محبوش وهو عالطول بيقول امتي امتي
ازاي محبوش وهو بيحبنا الحب ده كله
ازاي!!!!!؟
واللي يزيد الحب والاشتياق اني لسا مشفتوش
عشان كده ادعي ربنا اكتر واكتر
اني اشوفه واشرب من ايده شربه هنية لا اظمأ بعدها ابدا عليه الصلاة والسلام
التانية: الله.....ده الرسول جميل اوي.انا نفسي اعرفه اكتر واحبه اكتر
الاولي :يبقي لازم تقري سيرته وتفهميها
ودلوقتي جه معاد برنامج قصة حب
التانية: ايه قصة حب ده؟
الاولي: ده عشان تعرفي وتعيشي اجمل قصة حب في التاريخ عاشها النبي عليه الصلاه والسلام مع كل شيء حوليها

لتانيه :يلا..........
.................................................. ........
عليه افضل الصلاة والسلام
يا حبيبي يارسول الله

ميرسى يا قمرايه للمرور

اللهم صلى وسلم وبارك على محمد وعلى اله وصحبه اجمعيين

هههههههههههههه بس الحوار فعلا لذيذ قوى يا مروه

وبلاش الله يكرمك برنامج قصة حب ده الحقى البنوته قوليلها متتفرجش عليه

بصراحه مصطفى حسنى السنادى عمل غلطه

انا جايب فى البرنامج ممثليين على اساس اننا بقى المفروض نقتصى بيهم فى حب الرسول


تحسينا خرجنا عن الموضوع

جزاكى الله خيرا يا عسل وجعله الله فى ميزان حسناتك ان شاء الله