أيام ويرحل هذا الضيف الكريم

بسم التواضع والتواضع من سمة الابطال
بسم الاعتراف والاعتراف من الشجاعة
بسم الشجاعة والشجاعة من القلب
بسم القلب والقلب من الجسد
بسم الجسد والجسد من الروح
بسم الروح والروح من الحب
بسم الحب والحب اسماه شىء
بسم الاعجاب والاعجاب من الكمال
بسم الكمال والكمال لله وحده
بسم الله الرحمن الرحيم

أيام وينتهي شهر رمضان يمضي لــ يغيب عنا أحدى عشر شهراً
أيام ويرحل هذا الضيف الكريم حاملاً حقائبه مسافراً

هو يعرف أننا ســ نحزن لــ فراقه لذلك جعل لنا الله سبحانه وتعالى مساحة للفرح بعد رمضان
كيف ؟

ها هو العيد قادم
حاملاً معه ضحكات الطفولة
وضجيج الشوارع والساحات
وبيوت عتيقة تنبعث منها أصوات الأمهات تقول غداً العيد يا ولدي "

ومن خلف زجاج الشبابيك المغلقة تسمع همس طفلين ماذا سنرتدي بالعيد "

وتخترق رائحة الحلوى المنزلية الجدران فــ تصل لــ بيت الجيران

وبيوت كانت معتمة فــ أصحابها قضوا ليالي العشر الأواخر بــ المساجد فجاة أشعلت الأنوار "

وصبية على السطح بقرب بيت الحمام كأنها تقول للحمام بكرا العيد

على الباب صوت خطوة عزيزة على قلوبنا
حضر أبي يعني
حلوى وفواكة وشوكولا

أخوانى وأخواتى الكرام والأفاضل "
العيد فرصة لــ صفاء النفوس ونقاء القلوب
فرحة العيد ليست للأطفال فقط بل حتى للكبار لكن كل مستوى يعبر عن فرحته بالعيد بطريقته الخاصة به
اللهم أجعلنا من الفرحين بــ يوم لقاؤك

أحبتى "
ما كنا نعرف في العيد سوى تلك الرموز المدفونة في ذاكرة الأيام فــ هل نستطيع أن
نقيّم تلك الفترة بأنها كانت ومازالت مساحة للفرح
لست أدري أتمنى أن تشاركوني ذكرياتي
ربما ذكرياتي مصرية خالصة
ولكن الذكريات اللى بخاطر أعضاء تيتانيك
قد تختلف بالعيد كيف ؟
أنتظركم ..

كنت هنا أنا أخوكم
رحيل
من بلاد الياسمين

الله عليك يامحمد
كلامك حلو اوى
بس انا مش فاهم شويه
يعنى احنا نحكى عن ذكرياتنا فى العيد

الله عليك يا رحيل
ديما مش بتخلي اي مناسبة تعدي
الا وتسيب بصمة جميلة في قلوبنا
طبعا معاك في موضوعك الرائع ده
ومنتظرين مساحة الفرح اللي هتدخلها على قلوبنا

دمت بكل خير
وكل عام وانت بكل الصحة والسلامة والخير
واخيرا السعادة والفرح والرضا
اختك

محمد المرعب كتب:: الله عليك يامحمد
كلامك حلو اوى
بس انا مش فاهم شويه
يعنى احنا نحكى عن ذكرياتنا فى العيد

المقصود بــ الموضوع يا محمد أن نسرد ذكريتنا
منذ أيام الطفولة وإلى الأن

عيد مبارك عليك وعلى اسرتك يا محمد مقدماً وعلى شعبنا المصرى الأصيل
صباحك أنقى من ماء الورد

تسلم ايدك يا رحيل
دايما متالق
وكل سنه وانت طيب

اه انا حبيت موضوع الشوكولا والله يا رحيل انت جيت على الجرح وبعدين سجلني على الياهو بقى لحسن انا مستنيك

ههههههههههههههههههههههه

تسلم يا جميل

ياجماااعه ع فكرا رحيل عاوزنا نحكى
تسلم يارحيل اولا
وبعدين انا هحكى بقه عن ايام طفولتى رغم انى مش فاكره غير حاجات بسيطه
كنت بستنى العيده ده بفااارغ الصبر ولازم الكحك والبسكويت اللى بعجوهوالبتيفور والغريبه
وطقم العيده ده كان اساسى وافضل ليلة لعيده سهرررانه طول الليل رايحه جايه ع لبس العيد
ومن الحاجات الاساسيه عندى برضه صلاة العيده يااااااه لو ماما جات وقالتلى مش هنروح عشان هى تعبانه او مش قادره كنت زعل وافضل اعيط لحد متوافق وتنزل لانى طبعا صغيره فهاروح ازاى لوحدى وكنت ببقى فرحااانه اووووووى لانى بقابل اصحابى واساتذتى اللى بحبهم واحنا خارجين بعد الصلاه وافضل اسلم ع نااس كتيير وبما انى صغيره برده فمكنتش بروح ف مكان بعيد بنلف حولين المنطقه ف الجناين مع اصحابى ووكان ده بيبقى متعتى
ههههههههههههههههه هحكى موقف ظريف حصلى
انا مش بعرف اركب عجل خاالص لحد دلوقت فكان فىة واحد زماان كان كل عيد يجيب العجل اللى باربع او تلات عجلات دول وياجرهم فاجرت بقه زى اصحابى ههههههههههههههه
ومعرفتش اسوق ولا اعمل حاجه فقولتله كان شاب صغير بس بالنسب\ه ليه بقه ساعتها كبيير فقولتله عمو ممكن تزوققنى ههههههههههههههههه وعيال تانيه عمالين يندهوله برضه عشان يزقوهم وكان رايح بينا كلنا يزق هنا شويه وهنا شويه وبعدين راح صرخ فينا وقالنا لما مبتعرفوش تسوقوا بتاجروةا ليه ههههههههههههههههه
وساعتها الجزمه الجديده اتقطعت والبنطلون اتشحم وروحت البيت اضربت وكان يوم هههههههههههههههههه
وف العيد برضه كنا بنزور قرايبنا وهما بيزورنا
بس حاليا بقت اروح اصلى وارجع انام واتفرج ع التلفزيون وان قولنا نخرج تفضل كل واحده فينا باقتراح ومنخرجش ف الاخر
تسلم مره تانيه يارحيبل

many stars كتب:: الله عليك يا رحيل
ديما مش بتخلي اي مناسبة تعدي
الا وتسيب بصمة جميلة في قلوبنا
طبعا معاك في موضوعك الرائع ده
ومنتظرين مساحة الفرح اللي هتدخلها على قلوبنا

دمت بكل خير
وكل عام وانت بكل الصحة والسلامة والخير
واخيرا السعادة والفرح والرضا
اختك

فى حياتنا أوناس نحبهم ونقدرهم يفرحون لــ فرحنا يتألمون لألامنا
المشاركة الوجدانيه الصادقة ليست غريبة منكِ يا نسيبه

فــ أنتِ فتاة حنونة طيبة القلب وحسنة الخلق
وهذة كلها نعم من عند الله سبحانه وتعالى حافظى
عليها أختاه بــ كل ما تمتلكين من قــوة

نسيبه
أقدر لكِ نبل أخلاقكِ وأخوتكِ الصادقه التى تعكس طيبة قلبكِ الأبيض
ولا يختلف عليكِ أثنان أنكِ نموذجآ مشرفآ للفتاة المصرية

أسال الله سبحانه وتعالى أن تنالي كل أمنياتكِ وإحلامكِ

كنت هنا أنا أخوكِ
رحيل
وتركت مودتى وتقديرى لكِ

شكرا رحيل فكره حلوه اوي منك واللهي
انا مش فاكره حاجه في طفولتي بصراحه
بس هقول اللي بعمله كل سنه في العيد
ليله العيد اجهز اللبس الجديد بقى وكل اللي هخرج بيه في العيد
ومش بعرف انام ليله العيد من كتر الفرحه
بقعد انا واختي سوا نستنى الصبح ونروح نصلي بقى
واقابل صديقاتي في الصلاة وكل الناس اللي مش بشفهم من فتره طويله
بشوفهم في صلاه العيد
وبعد الصلاه اروح البيت اخد العيديه من بابا طبعا ههههههههههه

وبعدين اشرب شاي بلبن وبسكوت العيد
وبعدين نبدا نجهز للخروج ونعيد على كل عيلتنا

بجد العيد حلو اوي

اه والله يا جماعة العيد بجد من احلى ما يمكن
يوم الناس فيه كلها فرحانة
يارب ينشر الفرحة عكل الناس
ويرد بلادنا
ويردلها الامان والسلم والحب
يارب اللهم امين

emy كتب:: تسلم ايدك يا رحيل
دايما متالق
وكل سنه وانت طيب

أيمى "
سررت بــ مروركِ العطر وكلماتكِ التى تنبع منها روح الاخوة
كل عيد وأنتِ بصحة وسلامة

كنت هنا أنا
محمد

» علاج الصداع أيام الصيام
» متنج أول أيام عيد الأضحى المبارك
» الكريم كراميل
» بمناسبة شهر رمضان الكريم تعالى وبارك للى بتحبهم
» الـماء في آيات القرآن الكريم