انا والتليفزيون فى رمضان

أنا تايها وحيرانا
و التلفزيون بيكلمني في ثوب المحسن الغلبان
أما رمضان فهو الرحمه والمغفره والعتق من النيران
تابعوا حكايتي .. واحكموا على حالي !!

المشهد الأول : ( التلفزيون بيعرض البرومات الخاصه بالمسلسلات والأفلام )
الاستعداد لرمضان

أنا : ممممممم
التلفزيون : أيه مالك ... مش عاجبك كل العروض اللى انا وريتهالك !!
أنا : بالعكس ، بس هو لازم يعني تعرضوا كل المسلسلات والأفلام دي في رمضان
التلفزيون : هدفنا منها أننا نسلي صيامك .. ونحلي أيامك
أنا : معاك حق أكيد ، أنا قاعد في رمضان على التلفزيون ليل نهار وهتابع كل الجديد
التلفزيون : بارك الله فيك ، وأعانك على ما قدمناه إليك

وصاحبنا سمع كلام التلفزيون الغلبان ... وبقى هو دا حاله في رمضان ...
تابعوني وبقية الحكايه

المشهد الثاني : ( وقت السحور )
في 1 – 10 رمضان

التلفزيون : رايح فين ؟؟
أنا : هقوم اتسحر
التلفزيون : طيب اتسحر وانا معاك ، هتفوت يعني الحلقه دي
أنا : آه صح ، بس انا بعد السحور عاوز انام وحاسس ان عيني تعبتني اوي
التلفزيون : طيب قوم نام ... اتسحر ونام بسرعه

رمضان : الصلاه يا مؤمنين الصلاه ... يلااا اصحى صلي الفجر
أنا : حرام عليك انا هلكان ... انا طول الليل سهران وطول النهار صايم وتعبان
رمضان : مش قولتلك مش تسمع كلام التلفزيون دا هيضيع صلاتك ويفسد حياتك

ونام صاحبنا الغلبان وضيع صلاة الفجر واحنا لسه في أول رمضان
تابعوني بكره في نفس الميعاد والمشهد التالت " ان بس بسلي صيامي "

[center]المشهد الثالث : في نهار رمضان

رمضان : كده انت تفسد صيامك ، بلاش تلفزيون

أنا : هو انا عملت ايه يعني ، انا بسلي صيامي

رمضان : سلي صيامك بختم كتابك

أنا : هقرأ قرآن بعد الفطور ، دلوقتي انا تعبان وراسي بتدور

رمضان : طيب قوم ساعد أهلك في تحضير الفطور

أنا : شويه وهقوم ، أخلص الحته دي بس[/center]

المشهد الرابع (دا وقت صلاة التراويح )

أنا : يا سيدي خلاص سبني ، قولتلك هخلص المسلسل دا وبعدين هنزل أصلي التراويح

رمضان :المسلسل مش هيخلص ، ولا اللى بعده هيخلص

انا : طيب حاضر هقوم هقوم

رمضان : قوم لرحمة رمضان وللعتق من النيران

أنا : حاضر هخلص المسلسل دا بس واقوم اصلي في البيت هو لازم التراويح في المسجد يعني

رمضان : إلحق نفسك قبل فوات أوان الحسنات ، وتب قبل كتابة السيئات

أنا : ــــــــ

*
*

انــــــتــــظــرونــــا فى الجزء القادم ان شاء الله

ما شاء الله بجد موضوع هايل اوي
بارك الله فيكي
ومنتظرين القادم

meshmesha كتب:: ما شاء الله بجد موضوع هايل اوي
بارك الله فيكي
ومنتظرين القادم

الحمد لله انه عجبك
تسلمى لمرورك يامشمشه
نورتى ياقمر

اسلوووووووووووب رائع
موضوع جمييل اوووى تسلمى يامومو
يصفق

وردة الايمان كتب:: اسلوووووووووووب رائع
موضوع جمييل اوووى تسلمى يامومو

انتى اجمل بعدين
ما انا عارفه من زمان ان اسلوبى رائع
هههههههههههههههههههههه
طبعا بهزر
تسلمى ياجميل لمرورك
بحبك

سلمت يمناكى
عزيزتى
موضوع اكثر من رائع
ننتظر المزيد ..... من تلك المواضيع الهادفة
فعلا كثير منا يقع فى هذه الاطاء التى قد تؤدى الى افساد الصيام
بارك الله فيكى
واكثر من حسناتك

بجد بجد والله مش عارفه ارد اقول ايه

موضوع اكثر من ممتاز دى كلمه قليله ممتاز دى

واسلوبك رائع يعنى ده موضوعك ولا منقووووووووووووول ؟؟؟؟؟

ماشاء الله تبارك الله

والله يا مومو موضوعك هايقول اللى زورنا اتنبح نفهم فيه

المهم يا جميل تكونى انتى نفسك مش بتتفرجى على التلفزيون

جعلنا الله واياكم من الصائميين القائميين العابدين الشاكريين فى رمضان الكريم

وجعله الله فى ميزان حسناتك

منتظريين بقى باقى الحلقات يا عسل

همس كتب:: سلمت يمناكى
عزيزتى
موضوع اكثر من رائع
ننتظر المزيد ..... من تلك المواضيع الهادفة
فعلا كثير منا يقع فى هذه الاطاء التى قد تؤدى الى افساد الصيام
بارك الله فيكى
واكثر من حسناتك

انا فرحانه خالص ان الموضوع عجبكوا بجد والله
تسلمى لمرورك ياقمر
نورتى ياجميل
بحبك

مسلمه وأفتخر كتب:: بجد بجد والله مش عارفه ارد اقول ايه

موضوع اكثر من ممتاز دى كلمه قليله ممتاز دى

واسلوبك رائع يعنى ده موضوعك ولا منقووووووووووووول ؟؟؟؟؟

ماشاء الله تبارك الله

والله يا مومو موضوعك هايقول اللى زورنا اتنبح نفهم فيه

المهم يا جميل تكونى انتى نفسك مش بتتفرجى على التلفزيون

جعلنا الله واياكم من الصائميين القائميين العابدين الشاكريين فى رمضان الكريم

وجعله الله فى ميزان حسناتك

منتظريين بقى باقى الحلقات يا عسل

والله ما بتفرج خالص على التليفزيون ده
وممكن اصلا مش اشوف يوم
ولو اتفرجت بتفرج اكتر حاجه ربع ساعه على كرتون
ممكن توم جيرى
عشان بيخلص بسرعه
ههههههههههههههههههه
مش عارفه مش بيبقى عندى صبر اصلا انى اقعد على التليفزيون
بس الكمبيوتر مقدرش ابعد عنه
هههههههههههههههههههههه
تسلمى للمرورك ياعثل
نورتى ياقمر

موضوع جميل
وعن نفسى فانا مقاطعه التلفزيون
اصلا مش بيجى فيه حاجه عدله
ما علينا اخرى كرتون
تسلم ايدك موضوع حلو

sasy كتب:: موضوع جميل
وعن نفسى فانا مقاطعه التلفزيون
اصلا مش بيجى فيه حاجه عدله
ما علينا اخرى كرتون
تسلم ايدك موضوع حلو

تسلميلى يا سكر
منوره التوبيك والله
بحبك

» الجزء الثانى والاخير من انا والتليفزيون فى رمضان
» صيدليه رمضان
» معنى كلمة رمضان
» مقابله شخصيه مع شهر رمضان
» النوم فى نهار رمضان