مسحراتى تيتانيك فى رمضان

أصحى يا نايم ..
وحد الدايم ..
وقول نويت ..
بكره ان حييت..
الشهر صايم ..
والفجر قايم ..
اصحى يا نايم ..
وحد الرازق ..
رمضاااااااااااااااااااااااان كريم

كل سنه وانتم طيبين وبخير وصحه

فى ناس كتير بتسيب الدنيا واجلها بيجى
قبل رمضان بيوم او اتنين او حتى بساعه

لرمضان فى حد ذاته نعمه بننسى نشكر عليها ربنا ..

انما قولى هتقضى شهر رمضان ازاى؟

-ايه مكبره الموضوع ليه ؟

-اهو شهر هنصومه بالطول ولا بالعرض وهيعدى وخلاص ؟
انما سيبك انتى احلا حاجه فى رمضان الاكل ..
يااااااه على المحاشى والمحمر والمشمر والسفره
اللى ما تشوفش اولها من اخرها ...
ولا المسلسلات بئا السنه دى جامده اخر حاجه يعنى هنقضيها .

استنا .. استناا ..
انا ماليش فى الكلام ده خالص ..

ليه بس ؟؟؟
أما انك صحيح مالكيش فى الطيب ما بلااش نكد بئاا
وفرفشى كده ...

يا ترى رمضان هتقضيه كده اصل الكلام ده
مش جايباه من عندى .. ده من اللى بسمعه
طيب هقولك على حاجه
تخيل ان رمضان ده هو اخر شهر فى حياتك كلهاا
مش اخر رمضان فى حياتك لاء ده اخر شهر فى حياتك
وانك هتطلع من رمضان ده هتروح تقابل ربك
لو الكلام ده بجد .....
هل ممكن تعمل الكلام اللى فوق ده ؟؟؟!!!

أمال هتعمل ايه ؟؟؟

احنا معاك وهنسعدك
هنبقى صحبة الخير ليك
اللى تشجعك و تحمسك وتفكرك كل ما تنسا
هنمشى معاك يوم بيوم
من اول النهارده لاخر يوم فى رمضان لو ربنا ادانا عمر
هنساعدك يكون رمضان السنه دى غير كل سنه
يعنى ربنا مدينا فرصه حقيقيه ازاى نضيعها ؟؟
يعنى اللى كان متعود يختم القراءن مره
السنه دى يختمه مره واتنين وتلاته ..
لان ممكن تكون اخر مره يختمه ..
واللى كان بيصلى التروايح يوم اه ويوم لاء
يصلى السنه دى كل يوم ويختم ختمه فى الجامع فى التراويح
لان ممكن تكون اخر مره يصلى ..
واللى كان بيقوم الليل يوم 27 رمضان بس
يقوم الليل طول الشهر ...

كمان هنقولك على مواعيد البرامج الدينيه
هنفكرك كل يوم بحاجه جديده لازم تفتكر
تعملها .. هنقول على دعاء كل يوم نقوله مع بعض

قبل الفطار
..هنقول على السلوكيات وحاجات اللى بنشوفها فى رمضان
ومش عايزين نشوفها .. وازاى نحاول اننا نبعد عنها
زى العصبيه .. الاغانى .. المسلسلات التافهه ..وحاجات كتيير

وده هيكون دور المسحراتى

كل يوم من ايام رمضان هيكون معانا مسحراتى
وهنقوله قبلها علشان يجهز هو هيقولنا ايه
وينزلها قبل الفجر وقت السحور ...

هنخلى ربنا يشهد علينا أنه احنا صحبة خير
وان احنا فى رمضان السنه دى كنا بنساعد بعض
عالخير مش عالشر ...
كلنا السنه دى محتاجين اننا نشجع بعض وندعى لبعض ..
وده اللى هنعمله هنا
خلى مصحفك دايمن معاك

خليك معانا

وخليك مستعد انك تكون المسحراتى

يارب الفكره تعجبكم ...... ونستفيد كلنا

لعل وعسى نعتق من النار معا

.............. انتظرو المسحراتى ابتداءمن اول يوم رمضان ..........

فكره هايله
بس فين باقى الاعضاء
عايزين تفاااااعل

فكره جميله
وان شاء الله هيبقي في تفاعل
تسلمي يا قمر

رووووووووعة
ايوة هوا ده الشغل
وهوا ده الكلام
عاوزين المنتدى يشهدلنا باخير
واننا عملنا حجات كوووويسة

سواء في رمضان او غيره
تمام يا سمسم
قصدي يا مسحراتي
ومن دلوقتي النية لصيام الشهر يوم بيومه

تسلمي باسمسم
للتذكرة
وربنا يارب يجعله في مزان حسناتك
يلا بقى
كل واحد يقول هيصلي التراويح فييييييييييين

انا عن نفسي ممكن اصليه في مسجد نصر جبريل ونبقى نروح مع بعض
ان شاء الله

بجد كلام جميل

ويارب كل كلمه قولتيها تتحقق فى رمضان

انا نفسى فعلا اعمل اللى بتقوليه ونشجع بعض

نبقى اسره واحده يارب ساعدنا.

الله الله ايه صحبة الخير دى

جمعنا الله واياكم فى الفردوس الاعلى كما جمعنا فى الدنيا

احنا الحمد لله الذى عفانا عن اى مكره وسوء فى رمضان

ويانسيبه ياريت بجد تييجى تصلى معايا عند الشيخ نصر جبريل والله العظيم منتهى الروعه والجمال

بس خدى بالك بيخلص بينا الصلاه متأخر

ويا جماعه ده فعلا شهر واحد بس نمنع نفسنا فيه عن المعاصى والذنوب عشان خاطر ربنا

ونحاول نمتد بيها لحد بعد رمضان

لان رب رمضان هو رب الشهور كلها

وفكرة السمحراتى فكره منتهى الجمال بس للاسف دخولى هاينقطع فى رمضان بس ربنا يسهل ونبقى ندخل نشقر كده على الناس

وجزاكى الله خيرا يا سومه على الفكره

فى ميزان حسناتك ان شاء الله

ايه ياسمسمة الجمال ده
بجد فكرة هايلة وتسلم ايدك ياجمييل
منتظرين كلنا ان شاء الله التنفيذ على خير
جعل الله ذلك فى ميزان حساناتك ياقمر
توبيك رائع

ميرسى ياجماعه ع مروركم الجميل
احنا ان شاء الله هنبدا من النهارده
المسحراتى النهارده انا وهتكلم عن التوبه ان شاء الله عشان ندخل رمضان من غير ذنوب ان شاء الله

الخطوه الاولى الى رمضان:

يلا نتوب و كفايه ذنوب

التوبة أول واجب للاستعداد لرمضان، وهي وظيفة العمر، اللهم تب علينا توبةً نصوحاً
قال سبحانه: {وَتُوبُوا إِلَى اللَّهِ جَمِيعًا أَيُّهَا الْمُؤْمِنُونَ لَعَلَّكُمْ تُفْلِحُونَ} [النور: 31]

فلن نستعد و لن نفعل شيئا الا اما نتوب اولا
قال الله تعالى:{ قل يا عبادي الذين أسرفوا على أنفسهم لا تقنطوا من رحمة
الله إن الله يغفر الذنوب جميعًا إنه هو الغفور الرحيم. وأنيبوا إلى ربكم
وأسلموا له من قبل أن يأتيكم العذاب ثم لا تنصرون } الزمر: 53

يلا نتوب بأه و كفايه ذنوب كل واحد عنده ذنب و هو عارفه كويس طب متتوب مستنى ايه عندما تتوب:

1-يحبك الله:قال تعالى { إن الله يحب التوابين ويحب المتطهرين } البقرة : 222 .

2- يبدل الله سيئاتك حسنات:. قال تعالى {إِلَّا مَنْ تَابَ وَآَمَنَ
وَعَمِلَ عَمَلًا صَالِحًا فَأُولَئِكَ يُبَدِّلُ اللَّهُ سَيِّئَاتِهِمْ
حَسَنَاتٍ وَكَانَ اللَّهُ غَفُورًا رَحِيمًا}[الفرقان: 70]

ألم تشتهى التوبة بعد كل هذا؟ ألم تتحرك نفسك إلى التوبة ؟

يعنى اما نتوب كأننا معملناش الذنب ده خالص طب ما تيلا نتوب مش جه الوقت بأه و لا ايه رأيكم

يلا نذهب الى رمضان و نحن تائبين

جمعتلكم مجموعه من المواضيع ارجوا قراتها
-أريد أن أتوب ولكن كيف؟
http://www.facebook/topic.php?uid=88...69&topic=10163

2-إستشارة : كيفية التوبة والرجوع إلى الله تعالى
http://www.islamweb.net/ver2/istisha...hp?reqid=16287

واسمع ايضا من المحاضرات التاليه:
1-نفسي أتوب لـالشيخ : هاني حلمي عبد الحميد
http://www.way2allah.com/modules.php...ailes&khid=797

2-كيف أتوب ؟!للشيخ محمد حسين يعقوب
http://www.islamway.com/?iw_s=Lesson...lesson_id=5002

أرجو ان تستمعو الى هذه المحاضرة
ابدأ رمضان بتوبة إلى الله للاستاذ عمرو خالد بجد كفاكوا بهذه المحاضره اسمعوه بس
http://www.amrkhaled.net/sound_libar...imedia241.html

اللهم ارزقنا قبل رمضان توبة، وقبل الموت توبة
واللهم اجعلنا من التوابين واجعلنا من المتطهرين
وصلى الله وسلم وبارك على نبينا محمد وآله وصحبه أجمعين
والحمد لله رب العالمين.

مواعيد البرامج الدينيه التي سوف تذاع علي القنوات الفضائيه

بسم الله نبدأ

اولا : برامج رمضان المختلفه

برنامج الكنز المفقود للداعية مصطفى حسني
يعرض حصريا على قناة اقرأ

الساعه 11:00 بتوقيت القاهرة
و(منتصف الليل)12:00 بتوقيت السعودية

والاعادة

1)الساعة5:30 صباحا بتوقيت القاهرة
الساعة 6:30 صباحا بتوقيت السعودية

2) الساعه 12:30 ظهرا بتوقيت القاهرة

برنامج الطريق الصح للداعية معز مسعود
يعرض على قناة المحور والقناة الاولى المصرية يوميا
قبل الافطار

الساعة 5:00 بتوقيت القاهرة

والاعادة

الساعة 8:30 على قناة المحور

برنامج خواطر 4 للأستاذ أحمد الشقيري

يعرض على قناة mbc

الساعة 6:15

والاعاده

الساعة2:55 ظهرا

علي قناه الرساله
يوميا الساعة 7:45مساء بتوقيت مكة
6:45 بتوقيت القاهرة

الاعادة 9:15 صباحا مكة
8:15 القاهرة
الاعادة الاخرى 3 العصر بتوقيت مكة
2 بتوقيت القاهرة

برنامج مسك الختام للشيخ محمود المصري

يعرض على قناة الرسالة

الساعة 2:30 بتوقيت السعودية

والساعة 1:30 بتوقيت القاهرة

الاعادة

الساعه 8:30 بتوقيت السعودية

القاهره 7:30

برنامج يوسف والاحلام للشيخ محمود المصري

يعرض على قناة الناس

برنامج سبعة يظلهم بظله للداعية نوارة هاشم

يعرض على قناة الرسالة
الساعة 5:45 عصرا بتوقيت السعودية

برنامج ميراث النبي للشيخ محمد حسان واالشيخ ابراهيم الدويش
يعرض على قناة الناس
الساعة 6:30 بتوقيت القاهرة

برنامج اوصاني خليلي للشيخ خالد عبد الله
مع الشيوخ( محمد حسان - سالم عبد الجليل-حازم ابواسماعيل )

يعرض على قناة اقرأ يوميا
الساعة7:30 بتوقيت مكة المكرمة
والساعة 6:30 يتوقيت القاهرة

والاعادة

الساعة 2:00 بتوقيت القاهرة

برنامج غذاء الروح للشيخ محمد حسين يعقوب
يعرض على قناة الرحمة
يوم السبت والاربعاء
الساعة 12:00 صباحا(لم اتأكد من الميعاد انتظروا)

برنامج دلائل وشمائل للدكتور محمد العريفي
يعرض على قناة اقرأ
الساعة 6:00 بتوقيت السعودية
و5:00 بتوقيت القاهرة

والاعادة
الساعة 1:00 ظهرا بتوقيت السعودية

برنامج الاعجاز الاجتماعي في القران والسنة للدكتور زغلول النجار والشيخ جاسم المطوع
يعرض على قناة اقرأ
الساعة2:30 بتوقيت القاهرة

والاعادة

الساعة 7:00 صباحا بتوقيت القاهرة

برنامج هيا بنا نؤمن ساعه للشيخ خالد عبد الله
يعرض على قناة الرحمة
يوم الجمعة
الساعة 1:30 صباحا

برنامج ائمة الهدى ومصابيح الدجى للشيخ محمد حسان
يعرض على قناة الرحمة يوميا عدا اول اسبوع

السنابل عائض القرنى الرسالة 5:30 بعد العصر توقيت مكة
4:30 توقيت القاهرة
الاعادة
9:45 صباحا توقيت مكة
8:45 توقيت القاهرة

برنامج خواطر يعرض على قناة الرسالة
الساعه 8 الا ربع مساءا بتوقيت السعودية

سهرة ليلة من ليالى رمضان
ان شاء الله كل يوم خميس على قناة الرسالة
الساعة 12 مساء توقيت مكة
11 توقيت القاهرة
هيكون فى سهرة ليلة من ليالى رمضان
مع مجموعة مختلفة من الدعاه

م ن ق و ل

بارك الله فيكي وجزاكي الله خير
بس انا لاحظت ان عمرو خالد ملوش نصيب في البرامج للاسف
وانا سمعت درس التوبه بتاعه بجد رائع
جزاكي الله خير

» نداء مسحراتى اولى ايام رمضان
» صيدليه رمضان
» مقابله شخصيه مع شهر رمضان
» انا والتليفزيون فى رمضان
» العادات الصحية في رمضان