فاكرنى عايش ندمان على اللى فات .. اول مشاركة ليا .. يارب تعجبكوا

فاكرنى عايش ندمان على اللى فات
واللى مقدرنى على حياتى دلوقتى شوية ذكريات
لاء ماانت لازم تفوق من اللى انت فيه
وتعرف انك مجرد حاجة ضاعت من ضمن الحاجات
　
حاجة بجد انا مش زعلان عليها
وماصدقت انها راحت هى ولياليها
حاجة لو كانت لسه معايا
كانت زمانها موتتنى بإيديها
　
جاى دلوقتى عن اللى فات وبتتكلم
دة مين اللى ضحك عليك وقالك انى بتألم
لو كنت فاكرنى هرجعلك تانى يبقى بتحلم
وياريتك تروح من مكان ماجيت وبلاش حتى تسلم
　
اصل هو كان فى ايه بينا عشان ازعل عليه
ولا فيكى ايه اصلا عشان افكر فيه
　
اقولك انا ايه اللى كان مابينا
اللى مابينا كان غش
وكنتى بتتعاملى معايا بمليون وش
اللى مابينا كان عذاب
وجرح لقلبى من غير ماتعملى لتعبه اى حساب
عمر كان فى قلبك ليا اى اخلاص
وكنت بصدقك وبكدب كلام كل الناس
　
الناس اللى كنت فاكرها هى اكتر حد بيجى عليا وبيجرحنى
أتاريهم بالنسبالك طلعوا ملايكة بتريحنى
　
عرفتى ايه اللى كان مابينا
قوليلى دلوقتى ايه بقا اللى باقيلنا
　
وزى ماقولتلك
ياريت تروحى من مكان ماجيتى
ولما تقابلى اى حد..
بلاش تكدبى عليه وتقوليله انك فى يوم حبيتى ..!!




يارب تعجبكوا ..