فريق حلم حياتنا

ازيكم يا شباب عاملين ايه؟
ان شاء الله يكون الجميع بخير

::: في رمضــــان :::

أعد ترتيب نفسك
لملم بقاياك المبعثرة
اقترب من أحلامك البعيدة
اكتشف مواطن الخير في داخلك
واهزم نفسك الأمّـارة بالسوء..

::: في رمضــــان :::

جاهد نفسك قدر استـطاعتك
واغسل قلبك قبل جسدك
ولسانك قبل يديك
وأفسد كل محاولاتهم لإفساد صيامك
واحذر أن تكون من أولئك الذين لا ينالهم من صيامهم سوى العطش والجوع ..

ها يا شباب نويتوا تعملوا ايه ف الشهر الكريم
نويتوا تغيروا ايه؟

***********
عايزين نعمل حاجه جديده مع بعض السنادى نبتغى بيها رضا ربنا سبحانه وتعالى
ونشارك كلنا فى ثوابها مع بعض نشتغل بجد ولا هنفضل نايمين ومش عايزين نعمل حاجه كدا؟
لا هنعمل ان شاء الله

بصوا بقى

ان شاء الله فى حمله باتمنى اننا كلنا نقوم بيها مع بعض

طيب هى ايه؟

(حمله لتجميع المواد الغذائيه وتكوين شنطة رمضان
وتوزيعها على الاسر الفقيره )

وادخال السرور على قلب اسره مسلمه فى الشهر الكريم دا شوفوا ثوابها عند ربنا يبقى ايه والله يضاعف لمن يشاء

فقال عليه الصلاة والسلام:

" وأحب الأعمال إلى الله سرور تدخله على مسلم "

طيب هنعمل ايه برضه ؟

بصوا بقى ان شاء الله هنجمع مع بعض اللى نقدر عليه يعنى واحد عنده كيس رز كيس مكرونه كيس سكر علبة سمن زجاجة زيت اى حاجه زياده عند كل واحد فينا
وطبعا لو حد عايز يتبرع تبرعات ماديه عادى طبعا
المهم نبدأ وربنا بيفتحها من حيث لا ندرى
والحاجات دى هيتم توزيعها على الاسر الفقيره ان شاء الله

طيب هتبدأ امتى الحمله دى؟

******هتبدأ من 10 شعبان ان شاء الله*******

بسرعه كده؟

اه علشان نفسى نعمل حاجه كبيره بجد رمضان دا ان شاء الله
كل مره نقول وما نعملش لا بس المره دى مش هنقول هنعمل على طول ان شاء الله

طيب التواصل ازاى؟

التواصل هيكون عن طريق الرسائل الخاصه هنا او على الصفحه الخاصه بالفريق على الفيس بوك (https://www.facebook.com/group.php?gid=65120581569&ref=ts

طبعا بالنسبه للناس اللى طلعوا الزيارات معانا قبل كده فالتواصل هيبقى سهل بينا وبينهم سواءا جانب الشباب بالشباب والبنات بالبنات ان شاء الله
طيب واللى ما يعرفناش لسه وعايز يشارك باذن الله يبقى هيبقى عن طريق التليفونات دى

0118370220 /البشمهندس سامى
او
0107986001 / البشمهندس عبد الكريم

عايزين همه فى رمضان السنادى ان شاء الله

وجزاكم الله خير
مع تحيات فريق حلم حياتنا
هندسة حلوان

وعليكم السلام
الموضوع جميل ويستحق المحاولة
كثير منا يريد ان يفعل الخير ولا يجد الطريقة المناسبة لذلك
انا معك فى ذلك وان شاء الله ينضم لنا باقى الاعضاء

موضوع كتير جميل وفى افكار حلوة كتير

موضوع رائع

تقبل مرورى

جزاكم الله خيرا يا بنات على التفاعل الجميل دا

وان شاء الله نقدر مع بعض نعمل حاجه فى رمضان السنادى

الف شكر لكي يا قمر
جعله الله في ميزان حسناتك

شكرا يا مشمشه
وربنا يجعله فى ميزان حسناتنا جميعا ان شاء الله