الدين والسياسه

موضوع: الدين والسياسه السبت يوليو 04, 2009 9:32 am

منذ فجر التاريخ و خلق الانسان والانسان يبحث عن الذات الالهيه ويتدين اما مره بالشرك بالله عزوجل او توحيده
وتعددت الديانات والثقافات الدينيه فى هذا الكوكب واصبح لرجال الدين سلطه على الناس فى اي وقت وزمان
واذا كان فى عهدنا هذا عهد لانظمه الليبراليه والعلمانيه والا اننا ولا ننكر ان للدين سلطه قويه على الناس
ولاكن
ما هيا علاقه الدين بالسياسه
ايهما يكون الغايه وايهما يكون الوسيله ؟
ماذا ذا كان الدين هوا الغايه والسياسه هي الوسيله ؟
وماذا اذا كانت السياسه هي الغايه والدين هوا الوسيله ؟
نعم الدين والسياسه فى بوتقه واحده ولاكن ايهم يغلب على الاخر هل الدين يغلب على السياسه ام السياسه تغلب على الدين
من يكون خادم من هل تكون السياسه خادمه الدين او الدين هوا الذي يخدم السياسه ؟
من وجه نظري
انه لا ما نع لدي ان يكون الدين هوا الغايه والسياسه هي الوسيله
فا مثلا دوله مثل ايران ؟
على الرغم من خلافاتنا معها ولاكن اقول شيء ان الذي يحكم ايران هوا رجل السياسه ولاكن يستخدم السياسه لخدمه الدوله الايرانيه الشيعيه
او مثلا الخليفه العباسي هارون الرشيدي الذي استخدم السياسه من اجل نصره الدين وانتشاره وخدمه الدين
من وجه نظري انه لابد ان تكون السياسه هي خادمه الدين وليس العكس
فا مثلا فى الفترات الاخيره هور تيارات تتحدث باسم الدين لاجل الوصول الى الحكم ويكون الدين خادما لاهدافهم السياسيه
او من اجل السرقه كا مثلاشركات توظيف الاموال التى تحدث بأسم الدين من اجل سقه اموال الناس
واختم كلامي بقول الله تعالى
بســم الله الـرحمــن الرحيــم
ومن أحسن قولا ممن دعا إلى الله وعمل صالحا وقال إنني من المسلمين
صدق الله العظيم

صحيح معظم شركات توظيف الاموال كان اصحابها متدينين لاكن ده مش معناه انهم كانوا حرميه
بدليل ان الحكومه بعد عشرات السنين برأت أشرف السعد وهو من اكبر موظفى الاموال وقررت الحكومه ان تعطيه كل الاموال التى كانت قد تحفظت عليها
ثم انهم لو كانوا حرميه فعلا وكانوا بيضيعوا فلوس الناس مكنتش الحكومه قدرت ترد للناس فلوسها
وبصرف النظر عن رأيك فى توظيف الاموال فانا اتفق معكى فى ان الدين والسياسه شى واحد وانه لايمكن للانسان ان يحكم بدون الدين

لاكن سؤالى مين الناس اللى بتتكلم باسم الدين عشان توصل للحكم؟ واذاى قدرتى تدخلى جوا ضاميرهم وتعرفى اللى بيدور
فى دمغهم؟دا انتى ساحره على كده والواحد يخاف منك لانك بتقدرى تعرفى اللى بيدور فى دماغ الناس من غير مايتكلموا

اولا تسلم ايدك على الموضوع الجرىء ده
بس معلش اعذرينى مش هقدر ارد دلوقتى لضيق الوقت
بس اوعدك انى ارد بكره على الموضوع

تسلم ايدك ياقمر
موضوع جميل
وياريت السياسه تكون
وسيله لخدمه الدين
بس احنا بقينا في زمن
الي فيه ميهمهوش غير
المال والاشياء الماديه

للاسف الدين دلوقتى بقى لخدمه السياسه
يعنى مثال جماعه الاخوان المسلمين
بصراحه انا اكتر واحد مش عاوزهم يمسكوا الحكم ابدا
دول من امثال الناس اللى بتستخدم الدين عشان توصل لقلوب الناس
وبالتالى شعبيتها تزيد عشان توصل للحكم
ده مجرد مثال
هنلاقى بعد كده ان شركات نصب كتير كانت واحد مظهر اسلامى
زى شركات توظيف الاموال ومكاتب السفريات
يقولك قال الله وقال الرسول عاشن الناس يضحك عليها
ويقولك شوف الناس دى بتاعه ربنا ويقعوا فى الفخ
وتبقى هنا المصيبه
يعنى هقولك على حاجه جه مفتى الجمهوريه فى مره بعد حادثه غرق مركب كان عليها مصريين عاوزين يشتغلوا
برا
بس للاسف الفلوس اللى معاهم ماتكفيش انهم يسافروا بصروه شرعيه
بسافروا بطريقه غير قانونيه
ولما الناس دى غرقت جه المفتى وقال ان دول مش شهدا لأنهم ناس طماعين
طماعين ازاى ياعم الحج ناس عاوزه تعيش عيشه كويس وظروفها لاتسمح انهم يسافروا ومفيش فرص عمل فى البلد
فقالوا يسافروا بالطريقه دى يمكن تيجى معاهم
لكن لا المفتى بقى عشان محدش يقول شوفتوا البلد بسبب الفساد اللى فيها الناس مش لاقيه شغل ومش عارفه تعيش
فتظطر تسافر بالطريقه دى وتيجى تموت
فلا محدش يقول كده عيب
وكلنا عارفين اننا ضعاف قدام اى حاجه ليها علاقه بالدين فيقوم سياده المفتى يقول ان دول مش شهدا وانهم طماعين
وانهم ظلموا انفسهم
وكل ده ليه عشان يسكت الناس عشان ماتغضبش على الحكومه
العمليه دلوقتى بقت سمك لبن تمر هندى اساسا
المفتى ده مثال ومثال بارز كمان على ان الدين بيوظف لخدمه السياسه
رغم المفروض ان المفتى ده يكون عالم فى الدين
عارف انو هيتحاسب لكن يخاف من الناس اللى فى ايدها سلطه اكتر من ربنا اللى هيحاسبه
عشان كده الراجل ده انا متاكد ان له حساب زى الزفت
نيجى لمثال تانى الشيخ يوسف القرضاوى
يكلم عن ايران وعن الشيعه ويقولك ان دول خطر علينا ولازم نقفلهم وحطهم عند حدهم
انا راضى ذمتكوا فيه واحد عاقل يقول الكلام ده بسبب الكلام اللى قاله كانت هتحصل فتنه بين السنه والشيعه
طب قلت الكلام ده ليه ياعم الحج
عشان فيه ناس كبار مابيحبوش ايران عشان هيا اللى واقفه مع الحق وواقفه قصاد الكبار دول وطبعا الكلام مفهوم يعنى باين مين الكبار دول اللى مسيطرين على العالم ومعاهم كل حاجه
اللى هوا مايعرفوش بقى ان ايران والشيعه اللى مش عاجبين سيادتك دول هما دول اللى هيقفوا قدام اسرائيل وامريكا
وهما دول اللى ساعدوا حزب الله ومدوه بالاسلحه عشان لبنان ماتستعمرش
وهما برضه عن طريق حزب الله اللى بيمدوا المقاومه فى فلسطين بالسلاح عشان يدافعوا بيه عن نفسهم
طبعا الصوره باينه
للاسف دلوقتى الدين بقى فى خدمه السياسه
وللاسف الصوره سودا اكتر من قرن الخروب
وشكرا مره تانيه على الموضوع المهم والجرىء ده

شكرا على التوبيك الرائع

بص طول ما الدين بيخدم السياسة

وبيستخدم اسم الله في اغراض دنيئة وتغطية لافعال تعالى اسم الله عنها

يبقى الوضع غلط
الن السياسة جزء من الدين الي جه فصل كل اوجه حياة الانسان

وتصرفات بعض الجماعات السلامية هي الي نسبتله وجه الارهاب

ربنا يحاسبهم