يابنات الموضوع ده بجد خطير جدا .......مش لازم تستهينو بيه

السلام عليكم ورحمة الله وبركاته

انا بصراحة مش عارفة ابتدي منين ولا ازاي
بس الموضوع ده مضايقني ولازم نتكلم فيه

دلوقتي بنشوف بعض البنات للاسف حاطين صورهم عالماسنجر وعلي بعض المواقع
ونيجي نسالهم ليه كده يقولو عادي فيها ايه..............ونسمع ردود في
منتهي الغرابة

ازاي عادي ؟
عادي انك تحطي صورك علي النت والناس كلها تشوفها؟
ولا عادي انك تسيبي صورك لاصحاب النفوس الضعيفة اللي ممكن يستغلوها
وتتعرضي لمشاكل انتي في غني عنها وطبعا كلنا بنسمع وعارفين انه بالسهل جدا
سرقة الصور دي؟
فإن كنتَ لا تدري فتلك مصيبةٌ *** وإن كنت تدري فالمصيبةُ أعظمُ

لا يا بنات ليه تعرضي نفسك للمخاطر وللمشاكل وساعتها صدقيني عمرك ما
هتكوني ضحية لانك انتي اللي عرضتي نفسك لكده ولان الكل بيحذرك ولسة برضه
سايباها

ده ربنا اكرمك باحسن نعمة
نعمة الحجاب

لكل بنت حاطة صورها علي النت
مش لازم نقولك ونحكيلك علي المشاكل اللي اتعرضت ليها بنات كانو حاطين صورهم وبرضه شايفين انه عادي .............
لكن عندي سؤال ليكي ليه حطاها؟

خلونا نعملها حملة من منتدانا هنا
وشعارها
احمي نفسك من نشر صورتك

موضوع حلو اووووووووووى ورده الايمان وانا معاكى فى كل اللى قولتيه
جزاكى الله كل خير

يالهوووووووووووى طب انا كنت حطاها وشيلتها الحمد لله

الحمد لله لحقت نفسى

تسلمى يا سمسمه موضوعك منتهى الروعه

جزاكى الله خير الجزاء وانا معاكى طبعا فى الحمله

تسلمي يا سمسم للتزكرة
وفعلا سعات الواحد من كتر ما بشوف بيبقى عاوز يقلد
او يركب الموجة
ان شئنا الدقة
تسلم ايدك يا جميل
وانا الحمد لله عمري ما عملتها
وان شاء الله ربنا يثبتنا ومنعملهاش

تسلمي يا جميل
وتقبلي مروري

» يابنات تعالوا شوفوا ليه التماسيح متغاظه مننا؟؟
» تعالوا يابنات شوفوا اشكالكم بعد الزواج ههههههه .... تحفة
» كان لازم ابعد
» وصلتني رسالة خاصة من احدى العضوات (صراحة قلة ادب) .برجاء عدم حذف لازم أقول
» القيامه قريبه جداً جداً جداً جداً ( منقول ) تاريخ الموضوع Oct-2005