مليون رسالة-0:4-قصيدة عامية

مليون رسالة

و دم الغزالة

على الكفاح و على المسيرة

و خوف من الدول الاجيرة

و في النهاية تبقى غيرة!

مين قال لك ان المتسديرة

هي اللي يوم هتكسِّبك

من علّمك ان الفراعنة

ماتقدرش في يوم تغلبك

ولّا صوت المصري يوم ما نطق

إتكتم..

و رحل و سافر للعدم

ما بقاش يتسمع منه إلا تحية للعلم

و كلمة "بلادي"

لو كلمة تخرج من بؤي عادي

محدش واخد منها حاجة

إخسر أو إكسب

أخرتك لو يوم هتتعب

و هيفضل المجد لبلادي

اللي عاشت في الكرامة

زي ما هي في فؤادي

يا أبو الخناجر و العمامة

في الآخر مش هقول عليك الملامة

يلّا السلامة..

و يوم ما أسيب عليك علامة

يبقى إفتكرني

و إفتكر إن من عاداني..خسرني

مش كلام كدب في صحافة

ولا شغل دجل او عرافة

ولّا إنت دوّرت في تاريخك الخرافة

و لقيت إنك عرفت السبب اللي يمكن

يسحبك يوم على القرافة

ما بلاش ظرافة..!

أو كلمتين تقولهم و تجري

جيل الرجال المخلصين

فات زمانه..

و جه جيل سابق أوانه

جيل فيه أي راجل..

يأخد العيّل مكانه

إصحى فوق بتكلم المصري..إنتبه

قبل الزمان ما يوم عليك يشتبه

إملى عنيك فتحها شوف الردود

أنا إبن الفراعنة اللي ربوه على الحدود

أبو العنين السمر و أحمر ع الخدود

يا أبو الخناجر و العمامة

ايه ده ايه الجمال ده ده انت اول مرة تكتب شعر بأسلوب عامى
بس جميل جدا
بين الرسالة و الغزالة سجع

اخسر و اكسب بينهما تضاد
بس القصيدة معبرة فعلا و فيها دعوة
و الحمد لله فهمت ايه المقصود منها
بجد تسلم ايدك يا شاعر
انا حاسس قصائدك الاخيرة فيها دعوة و وعظ

شكرا اينشتين

هايل اوي
وفكره حلوه كنت هقولك عليها
انك تكتب عامي
تسلم ايدك يا ليبي
كلام جميل ملوش مثيل

جميل جمال ملوش مثال

اللي ملوش مثيل مرورك يا قمر

دمت بود

قصيدة جميلة جدا شكرا برقى

تسلمي للمرور سوزي

منورة التوبيك