من اقوى اساليب الدفاع عن النفس

انا حاسة ان البنات هنا هتستغرب بس انا اتجاهاتى كده ممكن تكون عوامل بيئية او عوامل نفسية ممكن تكون هى اللى أثرت فيا كده
و طبعا الكنغ فو هى رياضة اخلاقية حتى فى طريقة لعبها زى كورة القدم مثلا مينفعش تلمس الكورة بأيدك تبقى هندس
برده الكنغ فو ليه قواعد للعب من ابسطها ممنوع الضرب اسفل الحزام حيث ان الحكم يحسب نقطة عليك

انا بحبها جدا فى اى وقت اعرف ادافع ازاى عن نفسى كيفية التعامل مع الخصم جيدا و بحذر

ممكن اطلبها دعوة للفتيات التى معنا بالمنتدى انهم يبداو معايا لو اى فتاه تحب تتعلم الكراتيية و الكنغ فو

و انا بحب الكنغ فو لانه من اقوى اساليب الدفاع عن النفس

تمارين رياضية للإحماء (التسخين

إن الهدف من القيام بتمارين الإحماء (التسخين) تنشيط الدورة الدموية وتوليد الطاقة في الجسم لتمكينه من القيام بالتمارين

الرياضية، بالإضافة إلي إكساب الجسم الليونة والمرونة حتى لا يصاب الشخص بأي أذى أو ضرر وخاصة الشد العضلي.

ويجب ممارسة هذه التمارين علي نحو معتدل لا يتم إرهاق الجسم فيها، ويمكنك تناول الماء أثناء القيام بمثل هذه

التمارين.

* التمرين:

- يتم ممارسة هذا التمرين في وضع الوقوف.

- الحفاظ علي استقامة الجسم.

- إرخاء عضلات الكتفين.

- تحريك الذراعين في حركات دائرية.

- تكرار هذا التمرين 10 مرة.
وهذا مفيد للاعب ( السندا ) فى الكنغ فو..........

تمرين للجزء السفلي من الجسم :

- يتم ممارسة هذا التمرين في وضع الوقوف.

- إبعاد الرجلين عن بعضهما البعض علي نفس خط الحوض، أو أبعد من ذلك حسب الوضع الأكثر راحة لك.

- إرخاء الكتفين.

- ثني الركبتين.

- وضع اليدين علي البطن.

- تحريك منطقة الحوض من اليمين إلي الشمال والعكس صحيح.

- تكرار هذا التمرين عدة مرات..

وهذا مفيد ايضا للاعب الكنغ فو (السندا)

على فكرة انا لاعبة كنغ فو سندا و كمان بلعب اساليب

بجد ياهانا انا مبسوط جدا
وشكلى هستفاد كتييييييييييييييييييييير منك
والتوبيك رائع بجد
انا من عشاق الكونغ فو بس للاسف ملقيتش تشجيع

فانا هتعلم مع نفسى ومن توبيكاتك
وبالنسبه للتمارين دى هعملها من بكره
وياريت لو تقدرى تنزلى توبيكات فيها تعليم الكونغ فو من البدايه حتى الاحتراف
وياسلام لو تذكرى اساليبه
بجد اكون شاكر جدا

هوا ده الشغل استمرى

تسلم ايدك يا هانا التوبيك جميل

انا كنت فعلا بلعب حاجة اسمها سندا و اساليب

على فكرة انا منتظر المزيد

جميل الموضوع يا هانا

المنتدى ده بقى بتاعك خلاص

نحن وراكي عشان تقومي به الى الافضل دائما

والدفاع عن النفس شيء جميل
بيني وبينك انا لا اؤمن بالبنت الي شغلتها في الحياة انها تكونن زوجة فقط

تكون زوجة اه وفي نفس الوقت تهتم بموهبتها او مواهبها لان البنات بشر من حقهم الحصول على المواهب وممارستها

ومش حكر فقط على الرجال

دمت بود و الى الافضل دائما

الكناني محمد البرقي

القاهرة 2010

والله موضوع لذيذ ومشكورة على انك بتعرضيلنا موهبتك نتعلم منها

موضوع جامد جدا انا من زمان نفسى اتعلم كنغ فو لان فعلا دى رياضة كويسة وممكن البنت تستعملها للدفاع عن نفسها يا ريت تقوليلنا على التدريبات واحخنا ان شاء الله هنتدرب شكرا جدا يا هانا

يا نهار ابيض بصراحة اشكركم جدا مكنتش اتوقع منكم كل التشجيع ده كنت متوقعة موضوع عابر و خلاص

بس اشكركم مرة تانية بجد
شكرا يا محمد البرقى و شكرا يا محمد المرعب شكرا يا جويرية شكرا يا اينشتاين شكرا يا سوزى

صدقونى بالشكل ده انا هنتبه جدا للمنتدى ده و كل اللى هتطلبوه منى عن الكنغ فو هكتبه بأذن الله مش عارفة ازاى اعبرلكم عن شكرى ليكم

ده جميل اننا اسعدناكي كده

وزي ماقولنالك هنا يا هانا احنا اسرة واحدة

واستمري بالمواضيع الجيدة دي

لانها جديدة وفريدة

دمت بود

مجمد البرقي

يا هانا زى مامحمد البرقى قال احنا هنا اسره واحده وبنشجع بعض وبنساعد بعض
دى حاجه

الحاجه التانيه انتى توبيكاتك فعلا جديده ومميزه قوى
وفعلا تقيد اى حد يقراها بجد

» تعلم فن الدفاع عن النفس
» اقوى المقاطع من اقوى افلام الرعب
» اقوى نمله في العالم
» لعبه الخطف ...اقوى تحدى بين الولاد والبنات(العد من 1 لـــ 3 )