الحقائق

موضوع: الحقائق الجمعة يناير 08, 2010 2:35 pm

الحقيقة وراء سنو وايت و الاقزام السبعة

"1005"

رجل أشعث أغبر و لابس كافولة, معصعص كأنه مريض أنيميا و سلّ رئوي معا..

أمامه قدريطحن فيه شيئا ما وحده الله يعلم ماهو , لكنه بالتاكيد مشابه لرجل خفاش يتيم و دم سمكة عوراء و أرملة , دجل بقى مش هنستبعد أي حاجة..

يجلس امامه رجل كهل إشتعل رأسه شيبا في بعض مناطق و أخضب فوديه ببياض كما يقول أجدادنا العرب..

الرجل الأشعث بصوت مكتوم و هو عراف بالمناسبة شكله يدل على هذا فلو كانت عليه لافتة مكتوب عليها عراف لما كان مقنعا كهذا, انه عراف ابن عراف:

- كيف تريدها؟

إهتزت جدران الكهف حتى كيان الرجل نفسه هزه الصوت فرد بصوت خفيض:

- عايزها محدش يعرفلها ملة..ضؤرمة تلت و تعجن و في الاخر يطلع بطيخ..

العراف بلهجة محذرة:

- يجب أن تعلم أيها الفاني أن المعرفة لا حرية فيها, الفتاة لي منذ هذة اللحظة..

- فهمت..فهمت

و قع بنطاله و هو يهرول مسرعا خارج الكهف الملعون و كأن شياطين سقر كلها تلاحقه..

"2009"

نفس مبنى "إستديوهات تهامي" الأنيق العتيق و هناك قط ما يعبث بشيء ما في حاوية ما و يصدر مواء مقشعرا..

"تهامي" يجلس على مقعده الوثير داخله مكتبه الضخم الفخم يرتشف القهوة من شفة قدح مزين برسوم"ميكي و ميمي"..

يدلف "وديع" من الباب يليه رجل أشعث أغبر و لابس كافولة, معصعص كأنه مريض أنيميا و سلّ رئوي معا-إذا كنت ممن يؤمنون بظاهرة de ja vuشوهد من قبل قد تلاحظ شيئا ما هنا-يمشي الهوينة و قد إحتلت التجاعيد وجهه و يديه و كأنه عاش أكثر من الف سنة..

"وديع"بلهجة مرحة:

- "تهامي" باشا...!!

رد "تهامي" بإمتعاض واضح:

- أيوة يا زف..يا "وديع"..

إستطرد "وديع"بنفس لهجته:

- جبتلك المرة دي يا باشا فلم عن اللمة حوالين فكرة بطالة ملهاش اصل, عن القدوة و الندالة, جبتلك "سنو وايت و الاقزام السبعة"..

بصق "تهامي" ما كان في فمه من قهوة, و سكب الباقي على مكتبه, و قد تعالت ضحكته مجلجلة و قال في سخرية :

- و الأقزام دول أكتافهم بتحك في الرصيف يا "وديع"؟؟

حاول "وديع" ان يقول شيئا ما فقاطعه الرجل الذي صاحبه بلهجة مقضبة هادئة لا تخلو من إستياء :

- إنها قصة أحد روادي الذي نذر حياة إبنته لي.."سنو وايت" كانت لي منذ ولادتها..

"تهامي" و قد إتسعت عيناه تظاهرا بالدهشة العارمة:

- مين السلعوة ده؟

"وديع" و هو يشير إليه:

- ده العراف "بشير الغتت" كان قاعد في جبال التبت بيشيش و لقى نفسه فاضي فكتب القصة الحقيقية دي..

و رمى "وديع" مجموعة من الأوراق على المكتب,فنظر لها "تهامي" متسائلا:

- و الأقزام السبعة جوة الحبتين دول بس؟

- يا باشا انت ما تشيلش هم حاجة, و حتى "سنو وايت" هتقوم بيها "لواحظ" بطلة الفلم الي فات عشان نوفر في الميزانية..

- يا راااااااجل اسكت, هي "لواحظ" تبقى "بيضة"؟

- دي تورية يا باشا

- نعم يا أخوية؟؟؟؟.., تعالى يا "وديع"

اقترب "وديع" و أحنى رأسه فامسكه "تهامي" من تلابيبه و زمجر في وجهه:

- "ودييييييييع" راضي الخرابة دي باي قطة ميتة لأحسن و رحمة خالتي أسبع في وشك انت و هو..انت شكلك غاوي "سبعات"..

ثم فتح أحد أدراج مكتبه و أخرج منه مجلدا اخر..

- خد سبّع يا "وديع"

نظر "وديع" للمجلد و قال مستحسنا:

- استاااااااذ..

ثم شد الرجل الاخر من شعره و قذفه من النافذة فأصدر سقوطه هديرا صاخبا و جلبة مريعة و صوت قط تم هرسه..

في السنة الي حدفنا فيها "سنو وايت و الاقزام السبعة" انتجنا

"العلاف و السبع خرفان"

"العلاف و السبع خرفان" اتعرض على "اليو تيوب" و اتشاهد 705مرات و حصل على 3 جوايز اسوء تصوير و اوحش ممثلة و اغبى تاليف

"العلاف و السبع خرفان" على منتديات حلوان

أشكااال ضااالة..أم المحترمين

من تاليف صديقى العزيز و مشرف قسم الشعر و الادب و الخواطر ((محمد البرقى))

و هو اعطانى حق النشر

موضوع: رد: الحقائق الجمعة يناير 08, 2010 2:38 pm

بجد اكن كل الاحترام و المحبة لصديقى محمد البرقى على اعطائه هذه الفرصه لى

شكرا يا اعز صديق

موضوع: رد: الحقائق الجمعة يناير 08, 2010 2:40 pm

و كل قصيدة ومدونة و انت متالق دائما يا صديقى

انتظروا قريبا

الحقيقة وراء رسالة الى الوالى

ايضا من تاليف صديقى محمد البرقى

و ان شاء الرحمن سوف اقوم بنشرها

موضوع: رد: الحقائق الجمعة يناير 08, 2010 4:27 pm

حبيب قلبى يابرقى جامد وهيتم تثبيت الموضوع باسم سلسله الحقيقه
وكل الاصدارات هتتحط هنا
بس لما تنزل الاول

موضوع: رد: الحقائق الأحد يناير 10, 2010 10:41 am

والله انا نفسي كل ما بقرأها بفطس من الضحك

هههههههههههههههههههههههههههههههههههههههههه

بس يا اينشتاين او هشام خليك بتجمع الردود على شخص واحد برد واحد مش كل جملة في رد

دي طريقة مبالغة في صناعة المساهمات

موضوع: رد: الحقائق الأحد يناير 10, 2010 10:42 am

مرعب باشا أكّال البغاشة

هههههههههههههههههههههههههه

واحشني يا مان اتمنى اشوفك

بقلك ايه ماتيجي نتجوز عرفي هههههههههههههههههه

"1994"

الشارع الجالس أمام مبنى "إستوديوهات تهامي" من أبد الدهر,و كأن مفيش مكان غيره يروح له, لو كان بإيد الشارع يختار..

مقالب
زبالة,أكوام..أكوام عظيمة منها..و كأن معركة "زبالية"-إذا أمكننا أن
نسميها كذلك-قامت هنا,و هي دي الضحايا..قطط في كل مكان نظراتها لاتبشر
بالخير دي إذا كانت قطط فعلا..

"وديع"
بقصة شعره "الكيرلي" و بنطلونه "شارل ستون" و قميصه اللي هيبين سرّته من
وسع فتحته,و شنبه الشبيه بمقشة تم التنظيف بها جيدا, بيطلع على الدرجات
المتهالكة 3 في كل قفزة..

خطف نظرة سريعة قبل ما يدخل و معاه مرافقه الراكب على حصان , شكله من عهد الخلافة, خيّال لو طلبتم رأيي..

دخل بخطوات واسعة واثقة و هو بيقول بصوت عالي و بلهجة مرحة:

- سيدي و تاج راسي..يا ورد قاعد على الكراسي.."تهامي" باشا

بملل واضح و كأنه ما كانش عايز يرد أصلا:

- ربنا يحرقك يا "وديع" قطعت تركيزي في الكلمات المتقاطعة..إلا صحيح عاصمة "مصر" إيه؟؟؟

- "بين السرايات" يا باشا..

ثم أكمل:

-
عندي يا باشا فلم, عن التاريخ و الإخلاص في تأدية الواجب ممزوج بشوية
خيال..رسول من الماضي بيطلع

في الحاضر, يوصل رسالة..و الإسم "رسالة إلى
الوالي"

"تهامي" بعد ما شال إيده من جنب خده و شبكها قدامه على المكتب و رسم إبتسامة خبيثة ساخرة:

- ما كان يبعتها موبايل مسج أسهل يا "وديع"..

-
يا باشا رسالته مهمة, أصل "أمير عكة معهوش فكة" جبان و مش عارف يقول كلامه
الهايف علني فبعت

الرسول ده يا باشا, و حياتك يا باشا جبناله حصان عشان
رجليه هتتهري, هتبقى مكرونة مسلوقة من المشورة في الفلم.

- يا سلام!!!

- تمام يا باشا و محدش عارف هو تبع مين و هيعيط و يخدع و يلف ويحور و يوصل رسايل بالغلط و بالعكس كمان,دي هتبقى مغاغة يا باشا..

- ممممممممممممم

- باشا,إنت نمت؟

"تهامي" يغمعم:

- غطيني كويس يامّا..

صرخ "وديع"

- باشاااااااااااا..

- أيوة يا بن ال"تيييييييييييييييييييييييت"

- هو الفلم وِحِشْ؟

- وَحْش يلهفك يا بعيد,بص يا "وديع" عشان أنا بواسيري بتنقح عليّه, شكلك عايز أكشن و كذب كتيييييير, قول لي..

فتح "تهامي" درج مكتبه و خرّج ملف ضخم و هبده على سطح المكتب هبدة نفضت "وديع" من مكانه, و كمل كلامه:

- خد كذب يا "وديع"

"وديع" بعد ما بص للسيناريو في إعجاب:

- أستاااااااذ..

- تعالى يا "وديع"

و أشار ليه "تهامي" إنه يقرّب:

- راضي السيسي ده بأي قرشين و وديه جنينة الحيوانات ولّا الملاهي أنا مش هصور "سطابل" ..يلا يا "ودع دع"..

و
طبطب على كتفه و "وديع" بيشد الخيّال من اللجام عشان يوقّعه من على ظهر
الحصان وقعة بالتأكيد كسرت عظمة ما و طرده من المبنى شرّ طردة..

في السنة الي شقلطنا فيها "رسالة إلى الوالي" أنتجنا "رأفت الهجّاص"..

"رأفت الهجّاص" كان أحسن من كذبة إبريل إتنسخ على 3 شرايط كاسيت
dvd ripو إتسرق على 5 منتديات

"رأفت الهجّاص" على الحقيقة و خلاص

أشكال ضاااالة...أم المحترمين

موضوع: رد: الحقائق الأحد يناير 10, 2010 12:01 pm

محمد البرقي كتب:: مرعب باشا أكّال البغاشة

هههههههههههههههههههههههههه

واحشني يا مان اتمنى اشوفك

بقلك ايه ماتيجي نتجوز عرفي هههههههههههههههههه

اتلم ياله

موضوع: رد: الحقائق الأحد يناير 10, 2010 12:02 pm

تسلم ايدك يا وديع بس ابقى جمع الاصدارات دى كلها فى موضوع واحد عشان يتثبت

موضوع: رد: الحقائق الأحد يناير 10, 2010 1:07 pm

هههههههههههههههههههههههههههههههههههههههههههههههههههههههههههههههههههههههههههههههه

وحش يلهفك يا بعيد

هههههههههههههههههههههههههههههههههههههه

اه يانا مش قادر

قلبى

هههههههههههههههههههه

بجد منتظرين المزيد يا محمد

و انا عارف انك بتجهز دلوقتى لحاجة تانية و يلى خلصها عشان نشوفها

موضوع: رد: الحقائق الأحد يناير 10, 2010 5:50 pm

متشكر المتابعة شباب وقريبا الحقيقة وراء عبيطة أخر حاجة

موضوع: رد: الحقائق الإثنين يناير 11, 2010 11:37 am

ايه يا جماعه دا
هو من تاليف مين بالضبط
برقي ولا هشام

موضوع: رد: الحقائق الإثنين يناير 11, 2010 9:34 pm

mai love meshmesha كتب:: ايه يا جماعه دا
هو من تاليف مين بالضبط
برقي ولا هشام

هههههههههههههه
اهى هيست من اولها اهى
يابنتى من تاليف برقى

موضوع: رد: الحقائق الأربعاء يناير 13, 2010 1:33 am

محمد البرقي كتب:: بس يا اينشتاين او هشام خليك بتجمع الردود على شخص واحد برد واحد مش كل جملة في رد

دي طريقة مبالغة في صناعة المساهمات

يا نهار ابيض على الاحراج

والله العظيم مش بعمل كده عشان المساهمات والله
يمكن عشان لسه جديد

موضوع: رد: الحقائق الخميس يناير 14, 2010 9:20 am

خلاص فهمنا اسكت يا عبد هههههههههههههههههههههههههه

موضوع: رد: الحقائق الخميس يناير 14, 2010 2:58 pm

هههههههههههههههههههههههههههههههههه
تسلم افكارك واللهي ينفع فيلم كوميدي
وعجبتني برده حته وحش يلهفك دي ههههههههههههههههههههههههه
ههههههههههههههههههههههههههههههههههههههههههه

موضوع: رد: الحقائق الثلاثاء يناير 19, 2010 10:40 am

تسلمي يا مشمشتي ههههههههههمنورة يا قمر

موضوع: رد: الحقائق الأحد يناير 31, 2010 4:14 pm

الحقيقة وراء اوقات فراغ

"2005"

"تهامي" قاعد في مكتبه و حواليه 3 بنات من "إياهم" اللي تراهم العين الغير
مدققة-للأسف- حلوين و ترى العين المتفحصة حقيقتهم و أنهم مش أكتر من
محاولة يائسة لتقليد عرائس المولد..

واحدة منهم تميّل على كتفه من وراه لتشعل له سيجار كوبي يعجز 5 اشخاص عن إنهائه دون الإصابة بذات الرئة..

"تهامي" يصدر ضحكات مارقة ماجنة و وراه متعلقة صورة "بروتريت" له يضحك بإستهزاء و إستعلاء مبالغ.

دخل "وديع" الغرفة و هو بيتنحنح عشان يلفت انتباه الأخ "تهامي"..

بعد كذا نحنحة إلتفت "تهامي" له و قال:
- إدخل يا "وديع"
"وديع"و على وجهه إبتسامة عريضة
- صباح الفل على عندليبنا اللي من الشباك بيطلّ
- إنجز يا "وديع"
- يا باشا عندي ليك فلم بيحكي عن الحياة اليومية للشباب إزاي بيفكروا و يحلموا و يغدروا و يلبّسوا بعض مقالب..
- و بتطلع على مقاسهم يا "وديع"؟؟
- صبرك عليّه يا باشا..
الأول واحدة بتحب البطل, و هو ميعرفش و تسيبه , و هو برضه ميعرفش, و قال
ايه عشان ما ترضهاش, و يجي البطل التاني يحاول يقربلها لحساب البطل الأول.

- آآه..
- و هي يا باشا هتروح تجيب صحابها, واحدة صاحبتها هتكلم البطل و التانية
هتحاول تبين إن كل واحد هو اللي غلط و حبيبة البطل هتضايق , وتتعاطى و
أصحاب البطل هيتقسموا في الحوار, ناس يقفوا جنبها و ناس جنبه.
- أيوة.
- البطل بقى هيركز على تعب حبيبته و يسافر يجيب مساعدة ليه عشان يخلص من
اللي بيهددها , تيجي البطلة تدخل في وقت غير مناسب عشان تخرب الموضوع و
البطل التاني يحب حبيبة البطل الأولاني,و يحاول يقربلها فترفضه ,تقوم
البطلة تحاول تخلي البطل التاني يحبها , و تحكيله كل اللي قاله البطل من
صفات عنها, ونعت و ده زي الصفة يعني, فينعتها بال..
- ينعت سلسفيل أهلك يا "وديع"..ده فلم إيه إبن المملة ده..؟
"وديع" بإستغراب:
- فلم "أوقات فراغ" يا باشا
و رمى "وديع" على مكتب تهامي ما يقارب ال3 طوابق من الورق.

"تهامي" بفزع:

"ودييييييييييييع"..محدش هيتفرج على فلم 70ساعة, قصّر الناس مش فاضية للأفلام , وراها ماتشات..

و فتح "تهامي"درج مكتبه, و رمى ورقتين في وجه "وديع"..

"وديع" بعد ما نظر للورق و قال بإستحسان:
- إستاااااااااااااااااااااذ..
- و خد النسوان دي يعملوا البطلة وإصحابها مش هصرف على "الفراغ" كمان...!
- أستاذ..

شاور "تهامي" لرأسه بمعنى "فكك مني" و رجع لسيجاره الكوبي...

في السنة اللي كحرتنا فيها "أوقات فراغ" أنتجنا
"كشكشها ما تعرضهاش"
"كشكشها ما تعرضهاش" إتعرض على 14 قهوة , حقق ارباح
المشاريب و الحاجة الساقعة..
"كشكشها ما تعرضهاش" على الحقيقة و تلفزيون الأوباش

أشكاااال ضالة....أم المحترمين

موضوع: رد: الحقائق الأحد يناير 31, 2010 9:15 pm

بجد هفطس من الضحك
انت مصيبه يابنى
هههههههههههههههههههههههههههههههههههههههههههههههههههههه
بقولك ايه انت تعمل الحقايق دى كتاب وانشره هتكسب من وراه الماظ مش دهب
هههههههههههه
تسلم ايدك يا كبير

موضوع: رد: الحقائق الإثنين فبراير 01, 2010 11:23 pm

جميلة يا محمد

تهامى اتلخبط خالص

على رايه ده فلم ابن مملة

بس برده انا لسه محتفظ برايى ان الحقيقة الاولى و الثانية و الثالثة يضحكو اكتر بكتير جدا من اوقات فراغ
بصراحة انا عايز حاجة تضحك زيهم

موضوع: رد: الحقائق الثلاثاء فبراير 02, 2010 7:15 am

ainishtin كتب:: جميلة يا محمد

تهامى اتلخبط خالص

على رايه ده فلم ابن مملة

بس برده انا لسه محتفظ برايى ان الحقيقة الاولى و الثانية و الثالثة يضحكو اكتر بكتير جدا من اوقات فراغ
بصراحة انا عايز حاجة تضحك زيهم

يابنى مش مهم تضحك كتير او اقل
المتعه فى الموقف نفسه اللى بيبقى عاده مسخره

موضوع: رد: الحقائق الثلاثاء فبراير 02, 2010 9:22 am

كتب:

جميلة يا محمد

تهامى اتلخبط خالص

على رايه ده فلم ابن مملة

بس برده انا لسه محتفظ برايى ان الحقيقة الاولى و الثانية و الثالثة يضحكو اكتر بكتير جدا من اوقات فراغ
بصراحة انا عايز حاجة تضحك زيهم

يابنى مش مهم تضحك كتير او اقل
المتعه فى الموقف نفسه اللى بيبقى عاده مسخره

عافين ميزة الحقائق

انها لمن لا يعرف اسقاطها تضحك كوميديا ولمن يعرف اسقاطها بتضحك مرتين

انا بقى بضحك 3 مرات لان ليها عندي 3 اسقاطات هههههههههههههههههههه

موضوع: رد: الحقائق الثلاثاء فبراير 02, 2010 12:51 pm

ههههههههههههههههههه
بجد يابرقى انا عن نفسى بضحك مرتين عشان الاسقاطات عارفها
وانت بقى 3 ليه اشمعنى

موضوع: رد: الحقائق الثلاثاء فبراير 02, 2010 2:08 pm

اسقاط على صحابنا ها ها ها واخد بالك؟؟

واسقاط على ناس اعرفهم كمان

وكمان عشان عارف ان اصحابنا بيقروها وزاي الشوووووووووز ولا بيقدروا يتكلموا

موضوع: رد: الحقائق الثلاثاء فبراير 02, 2010 9:59 pm

محمد البرقي كتب:: اسقاط على صحابنا ها ها ها واخد بالك؟؟

واسقاط على ناس اعرفهم كمان

وكمان عشان عارف ان اصحابنا بيقروها وزاي الشوووووووووز ولا بيقدروا يتكلموا

هههههههههههههههههههههههه
وحياتك شوز صناعه مصريه معفنه كمان
هههههههههههههههههه
احسن خليهم كده مش فاهمين
هههههههههههههه