خلاص يا دنيا انسيني ....

غمضت عيني وقلت أراجع قصة حياتي
مسكت تاريخي وقعدت أقلب في صفحاتي

افتكرت لما كنت في بطن أمي عايشة في أمان
لما كان رحمها هوا بيتي والحضن الدافي والحنان
لما كنت بسبح في سعادة وبكل هدوء أنام

بس التسع شهور خلصوا وانتهى العيد
وفجأة لقيت حد بيشدني ويطلعني لعالم جديد
عالم اللي يدخله يحس انه حزين ووحيد

أول ما طلعوني قعدت أعيط ودموعي نزلت أنهار
علشان بعدوني عن بيتي الهادي وودوني للإعصار
للدنيا اللي مش بترحم لا أطفال ولا كبار
دنيا من حقي أسميها ( الانهيار )

مرتـ سنين والدنيا في عينيا بتزيد تعقيد وغرابة
رسملي خيالي إني عايشة في دنيا بتحكمها عصابة

فيه أوقات مرت عليا وكانت حياتي مليانة أحزان
عرفت قد إيه الضعيف في الدنيا دي مضطهد وغلبان
الضعيف مسلوب حقه في كل مكان
بس ياترى امتى هياخد حقه من أخوه الانسان
مش عارفة إذا هيقدر يسعاده الزمان

فكرتـ أكافح بس الدنيا كانت ديماً توقعني
كل ما أبني حاجة ألاقي فيه إيد عايزة تحطمني
كل ما ألاقي الحب في مكان تيجي الدنيا تاني وتجرحني

في مرة حلمت حلم في الهوا
ياترى ممكن أروح أعيش في السما ؟

علشان أشوف الأرض عاملة ازاي من بعيد
هل هيا سهلة .. ولا هيا حلم كبير وعنيد ؟
مش ممكن توصله أي إيد

كلمتـ الدنيا وقلتلها أرجوكي سيبيني
خليني أحاول أعيش وانسيني

حسيت إنها بتقولي (لا) بصوت عالي
دا نصيبك وانا مـــــالي؟
انا الدنيا اللي مفيش عندي غالي
محدش يعرف امتى ممكن أغير أحوالي

فقدت الأمـل في الحقيقة
بس انا مش هستسلم
وهفضل أحاربك يا دنيا لآخر دقيقة

سامحيني انتي مسبتيليش خيار
يا إما تنهاري .. يا أما أنا أنهار