انا عاوز اسافر اسرائيل

السلام عليكم

انا عاوز اسافر اسرائيل هناك هنلاقى عيشه كريمه وهتلاقى اللى يعبرك "
وبعدين يعنى هوا انا طايل اسافر اسرائيل
احسن ما اعيش هنا فى بلدى ومش مهتمه بيا
انما فى اسرائيل لا هتلاقى شغل وممكن تعمل ثروه
وهتلاقى احسن تعليم واحسن مستشفيات
ياريت والله الواحد يقدر يروح هناك احسن من البلد دى
اه بس لو اطول اروحها ...ياريتنا طايلينها"
.................................

هذه الكلمات نطقت على لسان شاب معايا فى الكليه
بيحلم انو يسافر اسرائيل ويتمناها
بصراحه عن نفسى احتقرته ومابقتش اكلمه تانى الا ولازم اهزئه
بس لما فكرت فى كلامه استغربت لقيت ان عنده حق
هناك احسن تعليم واحسن مستشفيات
انا مابقولش عاوز اسافر لا طبعا
بس الفكر ده بدا ينتشر نوعا ما
ليه بقى كتير من الشباب عاوز يسافر اسرائيل وفيه ناس سافرت من زمان واتجوزت من اسرائيليات
وخدوا هما نفسهم الجنسيه المشكله بقى ان ولادهم واخدين الجنسيه وبالتالى هيتم تجنيدهم فى الجيش الاسرائيلى
وابهاتهم موافقه وعادى جدا يعنى افتكر فى مره فى برنامج الحقيقه الذى يذاع على قناه دريم الفضائيه كانوا بيتكلموا عن الموضوع ده
والصحفى وائل الابراشى اجرا اتصالات مع مصريين عايشين فى اسرائيل واحد منهم قال وايه يعنى مش احنا عملنا معاهم اتفاقيه سلام
يبقى عادى اننا نسافر ونعيش هناك وواحد تانى للاسف كان عاش ايام حرب اكتوبر
وبرضه نفس النظام
وواحد تالت يقولك احنا بنثبتلهم اننا احسن منهم وبنوريهم ان شغلنا احسن ومش عارف ايه
طب ياعم الحج مانت لما بتشتغل هناك انتى بتخلى هما اللى مستواهم يعلى
الحاجه بقى اللى مش عارفينها ان العرب اللى عايشين فى اسرائيل الامن الاسرائيلى والموساد عيونهم عليهم
وفيه منهم بيتجند فى الموساد
طيب لو اتكلمنا بصراحه اه ماشى اسرائيل ظروفها احسن مننا
بس ده مش دافع يخليك تسافر اسرائيل ويخليك تتنازل عن جنسيتك مقابل الجنسيه الاسرائيليه
لان ماينفعش واحد يشيل الجنسيتين فاى مصرى بياخد الجنسيه الاسرائيليه الجنسيه المصريه بتسقط منه
نقطه تانيه ازاى اصلا هانت عليك بلدك وهان عليك تتنازل عنها عشان تروح لعدوك
العدو اللى اسمه يعنى الارهاب
اللى كل شويه يعمل مجازر دمويه يشيب لها راس الطفل الصغير
ليه انا مش عارف
ليه نسيب بلدنا ونتنازل عنها وبعدين يعنى هوا خلاص مافيش غير اسرائيل فى العالم كله اللى تسافرلها
ايه خلاص العالم فضى من الدول التانيه
انا مش عارف ايه خلاص بقينا بايعين بلدنا بالرخيص
هههه وياريتها بالرخيص ده ببلاش كمان
ليه ما نقعدش فيها ونحاول نصلحها مهما كانت ظروفها احسن ماتروح لحضن عدوك
انا من رائيى ان اللى بيحصل ده مخطط اسرائيلى لجذب العرب اليها وبالذات الشباب العربى عاوزين يدمروا الجيل القادم
واللى كتير مش عارفينه
ان اسرائيل حاليا تسعى لتنفيذ الحلم الاسرائيلى " من الفرات الى النيل وطنكم يا بنى اسرائيل "
ولو شفت العلم الاسرائبلى هتلاقى خطين زرق الاول نهر الفرات والتانى النيل ودوله اسرائيل فى النص
عشان كده لو خددت بالك هتلاقى ورا كل خط ازرق جزء ابيض
يعنى مش تبعهم الجزء ده
ده الكلام اللى عندى ياريت اسمع رائيكم
نصيحه اخيره حبوا بلدكوا مهما كانت وما تتخلوش ولا تتنازلوا عنها
اه اما بالنسبه للشاب اللى كان بيحلم يسافر ده الحمد لله قدرت اقنعه بان فكرته دى غبيه
وعيب انو يعملها او حتى يفكر فيها فخلاص مابقاش عاوز يسافر

طبعا وطنا مصر هو احسن بلد فى الدنيا الناس بتروح وترجع وتلف وتدور حولين العالم لكن بييجوا فى الاخر مصر هى الوطن وهى الامن والامان وحكاية السفر لاسرائيل دى لو حد عملها يبقى اتجنن راح للعدو برجليه ومفيش دولة هتفضل الجنسيات التانية عن الناس الاصليين اللى فيها مصر دى احسن بلد فى العالم كله ومصر كتير ناس بيشتكوا منها والمعيشة لكن انا عايزة اوضح حاجة مصر مش هى اللى وحشة ده الناس اللى فيها هما اللى اغلبيتهم مش عايزين يشتغلوا ويطوروا نفسهم يعنى بيحبوا الكسل ده حتى مصر ذكرت فى القران اكتر من مرة والوطن هو احسن حاجة فى الدنيا ولو كل واحد عمل على رفع مستواه العلمى والعملى مصر هتبقى دولة قوية جدا صدقونى وشكرا يا محمد على التوبيك الاكثر من رائع

سوزى كتب:: طبعا وطنا مصر هو احسن بلد فى الدنيا الناس بتروح وترجع وتلف وتدور حولين العالم لكن بييجوا فى الاخر مصر هى الوطن وهى الامن والامان وحكاية السفر لاسرائيل دى لو حد عملها يبقى اتجنن راح للعدو برجليه ومفيش دولة هتفضل الجنسيات التانية عن الناس الاصليين اللى فيها مصر دى احسن بلد فى العالم كله ومصر كتير ناس بيشتكوا منها والمعيشة لكن انا عايزة اوضح حاجة مصر مش هى اللى وحشة ده الناس اللى فيها هما اللى اغلبيتهم مش عايزين يشتغلوا ويطوروا نفسهم يعنى بيحبوا الكسل ده حتى مصر ذكرت فى القران اكتر من مرة والوطن هو احسن حاجة فى الدنيا ولو كل واحد عمل على رفع مستواه العلمى والعملى مصر هتبقى دولة قوية جدا صدقونى وشكرا يا محمد على التوبيك الاكثر من رائع

تسلمى يا سوزى على المرور وعلى كلامك وانتى فعلا عندك حق لو كل واحد فكر انو يتعلم ويطور نفسه البلد دى هتبقى اقوى بلد
نورتى التوبيك

بص يا سيدي الفاضل

وكلمة دي خدها مني انا واحد سافرت بعيد عن مصر -محبوبتي الفضلى-17سنة

مهما اشتكيت منها بردو بتحبها اتذكر كاتب مصري كبير

واعتقد انه احمد خالد توفيق

قال عبارة عن مصر

قال انها زي الحبيبة الخائنة تتمنى ان تلعن سلسفيلها لكنك لاتستطيع الاستغناء عنها

اما انا الكناني فبقول لمصر اغنية لعمرو دياب

لو لفيت الدنيا بحالها انا مش ممكن الاقيك تاني

انا شفت السعودية والامارات والدنمارك وليبيا

مفيش زي بلدك يا حبيبي مهما شفناها وحشة

اما المتأسرلون-اي من اتخذوا الجنسية الاسرائلية وهذا تعبير من ارتجالي-فهم فئة قليلة لا تعبر عن الراي العام

مت بود مرعب باشا

والله كلامك جميل يامرعب واحلى ما فى الموضوع بقى
اليوتيوب بتاعك ليارا تحفه ههههههههههههههه

انا مش فاهمة ازاى ان فى حد مقتنع انو ممكن يطلع من بيته
وهو مقتنع انو هيلاقى حياة كريمة فى بلد تانية
وهو عندو الفرصة انو يعيش فى بلد عمرو فى حياتو ما هيلاقى زيها
اى نعم الوسائل هناك احسن بس دة مش مبرر
انت الى غلط فى حق بلدك وقصرت معاها مش هى الى غلطت فيك يعنى احنا السبب فى الى مصر فية
مع عوامل تانية كتير طبعا
بس الى طالع من بلدو شايل اسمها على كتافو والى هى فية من سوء بيرجع لية
وهيتحاسب علية ومكمان الى هى فية من خير دة شرف كبير يفتخر بية
واتفاقية السلام دى مش ليها اى اساس لان دول ناس لا عهد لهم
مهما عملو من اتفاقيات سلام بحياتهم ما هيتغيرو
من ايام الرسول صلى الله علية وسلم وهم كدة والمفروض اننا عارفين دة
ازاى تكابر وترمى وزرك على البلد الى ضماك وعايش فى حماها
كمان فى حاجة متفتكرش ان الى رايح هناك هيعيش فى سلام فى ظل الاتفاقية الى بيناشد بيها
لانو رايح الى قوم قال عنهم الله "ولتجدنهم احرص الناس على حياة"
ومهما عملت هناك ومهما اعطوك من امتياذات
حياتك لا تساوى شى فى نظرهم وزى ما انت بعت بلدك بارخص من التراب
هتتباع هناك باقل من كدة بكتير
من نظرهم حياة ميت مليوون مصرى لا تقارن بحياة فرد اسرائيلى
فى النهاية انت الغلطان وهتتحاسب على انك بعت بلدك وعمرت فى بلد عدوك

توبك رائع يا مرعب

بس فى حاجه هنقارن ايه بأيه هنقارن النضافه والشياكه الى هناك فىا لمدن الاسرائليه
بالمناظر اللطيفه الى بنشوفها هنا فى قلب العاصمه وكميه القمامه والتلوث الى محدش بيمد ايده فيه
وكله بيقول يالا نفسى
ولا تقارن التعليم وتأسيس الشباب من هنا زى اسرائيل
لاطبعا المقارنه فى صالح اسرائيل واكتر بكتير
ولازم بلدى تهون عليا لانها مأفدتنيش فى حاجه ولا طمنتنى فى يوم 1 على حاضرى او مستقبلى
ايه بلدى يعنى ايه مش لازم اسبها عشان العدو
طب ما العدو كده كده معدش عدو واصبح فيه سلام
واملعاهده واضحه واصبحنا بنسمع كلامهم اكتر من اى بلد تانيه
مش فاضل بقه غير اننا نشتغل هناك كمان
مفهش حاجه طلاما بلدنا مهادناهم والفلسطينين بيعادونا ويكرهونا و
يقتلو العسكرى بتعانا يبقى اسرائيل احسن

الكلام ده يا مرعب سمعته من واحد معرفه هو صيدلى قال برده نفس الكلام انا هو ممكن يفتح هناك صيدلية و هتبقى فيه تسهيلات كتير بس برده دى حاجة مش كويسة
ازاى بعقلى كده تعال نحسبها

ازاى انا لو صيدلى او دكتور اعالج حد عدوى و بيقتل فى اخواتى طب ليه انفعهم هم بدام هم بيضروا اخواتى

حتى كمان عشان ربنا ميحسبناش

ليه نعمل كده

تخيل كده لو بلطجى بيضرب فى اخواتك و شوف انت هتعمل ايه

طب ليه نيجى ونقول يلا نفسى

انا والدتى كانت تعمل مديرة حسابات فى شركة دالتكس امباسكو

والله نكتشف ان صاحب الشركة بيستعين بخبراء اسرائيلين فى مجال الهندسة الزراعية

والدتى قدمت استقالتها و الحمد لله

ثانيا اريد ان اسمى السلام الحالى بمسمى السلام الوهمى

» حاسس بايه--نفسك فى ايه--عاوز تعيط--عاوزتضحك--ادخل شوف انت عا
» عاوز اغير منظر المنتدى
» انا مش عاوز اصلى !!!!!! طب اهدا كدة وشوف ربنا بيقولك ايه
» عاوز البنت تدوب فى دباديبك .......... إدخل ونفذ النصايح