قالى الودااااااااااع .....

بعد ماعرفوا بعض بأسبوعين......

هو: أنا عايز اقولك على سر شلته فى قلبى سنين

هى: قول مالك؟

هو: أنا بحبك وانتى عمرى وبحلم بيكى كل ليلة 7 مرات ونص وبصحى على صوتك ياحياتى

هى: وأنا كمان ياحبيبى بحبك بقالى 3 شهور و5تيام و6ساعات وربع

هو: صحيح؟ يااااااااااه ...ده احلى يوم فى حياتى

هى: وأنا كمان..بس هنعمل ايه؟ واهلى واهلك والدنيا والناس؟

هو: هحبك وتحبينى ياعمرى وكفاية نبقى سوا

هى: طب ياحبيبى أنا بقول كده برضه بس مانطولش فى الحكاية ماشى؟

*فاتت سنة غرام وهيام وأحلى كلام.........

هى: احنا هنفضل كده كتير ياحبيبى واهلينا مايعرفوش

هو: ليه ياحبيبتى أنا بس اظبط نفسى فى الشغل واجى اتقدملك على طوووووووول

هى: امتى بقى يحصل ده؟....يااااه ده أنا هبقى أحلى كركوبة فى الدنيا

هو: قريب ياحبيبتى قريب كلها 12 سنه بالكتير

*فاتت كمان سنة وهو ولا هنا وهى هتطق من الغيظ......

هى: حبيبى الحكاية طولت اوى احنا هنفضل كده كتير؟ -تعبت قلبى الله يحرقك-

هو: كده ازاى ياحبيبتى؟ مااحنا اشطه اهو وآخر تمام

هى: تمام ايه وهمام ايه؟ هو احنا هنفضل تحت شجرة الجرجير ومقضيينها عصير لمون؟

هو: تقصدى ايه ياروحى؟ اصبرى بكره يبقى عندنا بيت وأولاد

هى: ده عند أمه ياادهم ... أنا متقدملى عريس كويس وإذا مالحقتنيش هيخطفونى منك

هو: لاااااااااا ده أنا كنت ارمى نفسى من فوق المكتب الى فى الشغل...ده انا كنت اقطع شرايينى

هى: لأ انا مش عايزاك تعمل كده أنا هكلم بابا وماما وانت تاخد خطوة بقى

*أسبوع...اتنين...تلاته.تليفونه غير متاح...مابيردش ....وأما رد....

هى: انت فين مش لاقياك؟

هو: معلش تليفونى كان فاصل شحن وكنت بشحنه

هى: بقاله شهر فاصل شحن وبتشحنه؟! ليه انت كنت بتشحنه غاز؟

هو: خلصنا بقى..قصرى ..خير؟

هى: وهييجى منين الخير ياروحى وانت مانفذتش اللى اتفقنا عليه؟

هو: هو احنا اتفقنا على حاجه؟

هى: نعم ياروح أمك؟ امال تقطيع شرايينك واوردتك وشرب مية النار ده كان ليه؟

هو: كنت مجنون وعقلت ياروحى..وخطبت البت ماهيتاب بنت عمى الجمعة اللى فاتت الساعة اتناشر وخمسه الضهر

هى: ياواطى ياندل....ماهيتاب؟!!!! طب وأنا؟

هو: ماتغلطيش بس وانسى الجرجير واللمون...انتى مش فاهمه حاجة

هى: انسى؟ ده اخر كلام عندك؟..اصلى مش ناوية افهم

هو: اه ياروحى...بس صدقينى انتى أكتر حاجة حبيتها فى حياتى حتى اكتر من المكرونه البشاميل...لكن أهلى قالولى إما ماهيتاب أو الطرد من البيت

هى: اوك..قشطه يامان...سى يو...باى

الخلاصة

مابنى على باطل فهو باطل

شكرا لكى ايتها الوردة النديه ....ولقد اصبتى فى هذا الموضوع الاكثر من رائع.....

وبالرغم من عاميته الاانه ارقى من الف موضوع اهم.... وهذا بالطبع هو حالنا وحال معظم واكثر بنات مجتمعنا اليوم ....

ولذلك اقول ان ما يراه البعض حب فهو ليس كذلك... فالحب اكبر من ان يوصف فى علاقه غير شرعيه بين

اثنين تجمعهما ابتسامه وتفرقهما دمعه..........

وان كان على الخيانه بوجه عام .. فأنا لا اعتقد ان هناك كلمات قادرة على وصفها ....

فكل خائن يختلق لنفسه الف عذر وعذر ليقنع نفسه بأنه فعل الصواب......

وهناك حكمه تعلمتها من تجاربى فى الحياه وهى :

الحب كالزهرة الجميله والوفاء هى قطرات الندى عليها والخيانه هى الحذاء البغيض

الذى يدوس ويدمس على هذة الوردة فيسحقها ........

عذرا على الاطاله لان بجد الموضوع اكثر من راءع فعلا ....

تقبلى مرورى المتواضع