صوت جبار...

موضوع: صوت جبار... الأربعاء أكتوبر 07, 2009 2:10 am

صوت العربى صوت جبار
صوت بينادى لاخذ التار
صوت بيرج الدنيا بحالها
صوت لنهايتك يا استعمار
صوت العربى صوت جبار
صوت بينادى بعزم وقوه
حرر ارضك انت وهوه
وامحى الغاضب بره وجوه
امشى وحطم كل جدار
صوت العربى صوت جبار
صوت بينادى بكل ايمان
بكره هنرجع للأوطان
والمستعمر ماله مكان
بلدى اتخلقت للأحرار
صوت العربى صوت جبار
صوت بيقول يا عرب ناصرونى
حان الوقت خلاص قابلونى
جاهز والله وراح تلاقونى
انا والجيش على خط النار
صوت العربى صوت جبار
صوت الحق هيفضل عالى
وانا وسلاحى معاك طوالى
ولا يوم ح هدا ويرتاح بالى
طول ما عدوى امام الدار
صوت العربى صوت جبار ..

الله عليكي يا ايمي
تسلم يدك بجد علي المواضيع الجميله

الا صحيح يا ايمي يا صوت الامة ايه سر المواضيع الساخنة دي استعمار وتار وصوت جبار ربنا يستر وماتخديش المنتدى خلف الاسوار

اختيارتك حلوة وبجد تعجبني

اه ونسيت اقولك

فين الحشيش؟

Sheva كتب:: الله عليكي يا ايمي
تسلم يدك بجد علي المواضيع الجميله

ميرسي يا احمد نورت الموضوع

محمد البرقي كتب:: الا صحيح يا ايمي يا صوت الامة ايه سر المواضيع الساخنة دي استعمار وتار وصوت جبار ربنا يستر وماتخديش المنتدى خلف الاسوار

اختيارتك حلوة وبجد تعجبني

حلوه صوت الامه
متخافش مش هاخدكم خلف الاسوار
وابعد عن الحشيش يا ابني عشان صحتك