جمعية سي السيد

جمعية سي السيد دي جمعية موجودة بالفعل
انا مكنتش اعرف ان في جمعية للرجال

فبينما انا بقلب في التلفزيون إذ فجأة وجدت علي القناة الاولي
راجل عمال يكلم و مكتوب ان دا رئيس جمعية سي السيد
انا اول ما قرأت ذلك ضحكت ضحك.........
المهم الرجل دا عمال يتخانق مع المذيعة

ليه


عشان بيقول ان المراة في البيت شغلتها الخدمة
مينفعش الراجل يستشيرها في اي موضوع لانها ست
دوت كلامه


المذيعة بقا مش عاجبها الكلام




المهم انا رغيت كل الرغي دا عشان عاوزة اعرف راي

الشباب و البنات في الموضوع دا ايه


و خاصة الشباب



يالا قولوا رايكم

انا بقا اللي مخليني مستغربه من الجمعية دي مش كلام الراجل
لانه دا راجل اهبل اصلا و كلامه اهبل منه

انا مستغربه من انه يعمل جمعيه يدعو فيها الرجال كي تكون قدوتهم اللي بيقولوا عليه دا الراجل اللي اسمه
سي السيد
يعني بدل مايبقي قدوة الرسول (ص) يبقي قدوة سي السيد
دا ايه الراجل الاهبل ده

لا حول و لا قوة الا بالله
_________________

ههههههههههههههههههه
اولا تسلمى على التوبيك ده

ثانيا زى ما انتى قولتى ده راجل اهبل وعبيط ومجنون وزودى عليها انو تافه
سى السيد مين ياعم انت انت عايش فى سنه كام
ده الدين نفسه ماقالش كده
الست ماخلقهاش ربنا عشان تبقى خدامه
ربنا يهديك ياعم

ايوه ندعيله بالهدي

و ربنا ينورله عقله

يارب
ماهو يايهديه
ياياخده

هههههههههههههههههههه

ايه يا رانيا الموضوع العسل ده

جمعية سى السيد

بدال مثلا زى رايك كده جمعيه للاقتداء بالرسول الكريم

جمعيه لايقاظ شباب الامه

جمعيه لاحياء سنة الرسول

جمعيه لاصلاح شباب الامه

مش التفاهات دى

والله احنا شعب دماغه تعبانه وهايف يتصدر للهايفه وعند الحق

اطلع اجرى

شعب التلفزيون والماتش جاى الساعه كام

اللهم اجرنا فى مصيبتنا

تسلمى يا رانيا على الموضوع العجيب ده

هههههههههههههههههههههههههههههههههههههههههههههههه
واللهي ضحكت جدا فعلا
راجل اهبل هههههههههههههههههههههههههه
ربنا يشفيه يارب هو وكل اللي زيه
تسلمي يا رانيا موضوع حلو اوي بغض النظر عن الراجل الاهبل

ههههههههههههههه تسلمى ياسى السيد قصدى ياقمر
ههههه ال جمعية سى السيد قال ربنا يفشى ههههههههه

المرأة نصف المجتمع
بلا سى السيد يلا هبل هو فاكر نفسه فى سنه كام

انا بجد احي الراجل ده من قلبي لان فعلا ستات اليومين دول مش ينفعلهم غير كده لان المرأة بتطالب بالمساواه لكن تريد اخذ كل شيء تريد القهر مش المساواة
وده نتيجة عقودة طويلة من الظلم من قبل الرجل لها طبعا تحت مسميات كتيرة وصلت للاسف تحت مسمى الدين

اظن ان الدين الاسلامي هو الملجئ للجنسين وبه حقوق الجنسين

انا راي ان الموضوع كحبل بنهم كل طرف ياخذ نصفا ويشده بحيث يبقى في المنتصف ويعمل كل طرف جاهدا الا يقلل من طرفه ولا يزيد طرف الاخر بمعنى لا يجور ولا يجار عليه طبعا بالفكر الراقي وصدقوني الفكر الراقي لايحتاج لتعليم ومدارس بل يحتاج انسان يستعمل عقله ويعرف ربه

شكرا

طبعا يا محمد انا بشكرك علي مسهمتك بس انا ليه تعليق
انت قلت ان ستات اليومين دول مينفعش معاهم غير كده
و دخلت في موضوع المساواة
و احنا لو هنكلم في المساواة فدي كل واحد بيفهمها من وجهة نظرة
و انا معاك ان في بعض الناس قصدي بعض الستات بتفكر في المساواة بشكل يتعرض كل المعارضة مع الدين الاسلامي و شرائع ربنا سبحانه و تعالي
لكن نرجع و نقول ان مش كل لستات بتفكر في المساواة بهذا الشكل
و بالتالي يبقي مش كل الستات مينفعهمش غير الراجل ده

و عموما احنا كده دخلنا في موضوع المساواه و ان شاء الله نعمله صفحة لواحدة و يتم المحاورة في نطاقه

و لك مني خالص الشكر

و شكر لبقية الاعضاء الذين ساهموا في هذا الموضوع