مسابقه اجمد نكته ؟!! متجدده كل شهر

السلام عليكم

ايه اخباركم ...يارب تكونوا كويسين

طبعا الموضوع باين من عنوانه دى عباره عن مسابقه وانا اللى هراسها بصفتى مشرف القسم

طيب المسابقه دى عباره عن ايه

عباره عن 4 اعضاء
وهيكونوا اول اربع اعضاء يدخلوا ويقولوا .... هشارك فى المسابقه

طيب الاعضاء دول يعملوا ايه
كل واحد فيهم هيجيب اجمد واكتر نكته بتضحك سمعها او قراها ...ممكن واحد منكم يسال طب افرض واحد يعرف اكتر من نكته
هرد واقول يختار واحده بس ودى اللى هيشارك بيها
بعد كده
نكت الاعضاء دى هتتكتب فى راس الموضوع وجنبها اسم العضو
وهيتعمل استفتاء فيه اسامى الاعضاء وكل واحد يدخل يختار العضو اللى شاف ان النكته بتاعته هيا كانت اجمد واحده
والعضو اللى هياخد اكبر عدد من الاصوات هوا العضو الفايز
وهيلقب بملك الضحك

وهياخد اللقب ده لمده شهر واحد ...لأن كل شهر هتتعمل نفس المسابقه وبنفس الخطوات
بس طبعا التوبيك ده للتعريف بالمسابقه ولتسجيل الاشتراك ولكتابه النكت
اما المسابقه نفسها والتصويت فدى فى توبيك تانى عشان الزحمه بس وطبعا هيتكتب فيها اسامى الاعضاء والنكت بتاعتهم وهتبدا يوم واحد من اول كل شهر والتصويت ممتدد لأسبوع كامل

ها مين هيشترك