تستاهل الي جرى لها

هو:

حبيبتي أنا حأطلب بيتزا ، عايزة حاجة ؟

هي:

لا يا حبيبي

هو :

اوكي

هي:

ولا اقولك ..؟

هو:

ها ، أطلب لك كمان ؟

هي:

مش عارفة

هو :

مش عارفة اذا كنتي عايزة ؟

هي:

لا

هو:

انتي جعانة ؟

هي:

يعني

هو :

يعني إيه يعني...؟

هي:

يعني مش متأكدة اذا كنت جعانة ولا لأ.

هو:

الواحد لما بيكون جعان بيعرف

هي :

لأ بس يمكن اجوع بعدين

هو:

يعني اطلب لك بيتزا؟؟ّ

هى:

طيب واذا ما كنتش جعانة وقتها..؟

هو :

ما تاكليش

هي :

بس ده كدة يبقى تبذير

هو:

خلاص ، تبقي تاكليها بكرة

هي:

و اذا ما كانش لي نفس آكل بيتزا بكرة؟

هو :

مش محتاجة نفس ، الواحد عادي ممكن ياكل بيتزا كل يوم

هي:

انا لا .. أنا مش باكل بيتزا الا لما يكون عندي نفس للبيتزا

هو:

طيب بلاش ، أطلب لك حاجة تانية؟

هي:

بس أنا مش عايزة حاجة تانية

هو:

يعني عايزة بيتزا؟

هي :

لا

هو:

يعني مش عايزة حاجة؟

هي:

لأ برضه

هو :

جننتيني ، طب أعمل إيه؟

هي:

اطلب انت لنفسك

هو:

الحمد لله ، اخيرا .. ماشي ..

هي :

بس اطلب بيتزا بالتونة

هو:

نعم ؟ انا مش بحب البيتزا التونة

هي:

بس انا بحبها

هو:

وانتي مالك ؟ هو انا حاطلب ليا ولا ليكي

هي:

ليك طبعا

هو:

طيب أطلبها ليه بأة بالتونة...؟

هي:

يمكن اجوع لما يوصل الاكل

هو :

وبعدين؟هي:

يا سلام ، يعني تفتكر آكل حاجة مش عاجباني؟

هو:

ليه هو انتي – أصلاً - عايزة تاكلي؟

هي :

ليه لأ ؟

هو:

يا مثبت العقل .. هو أنا حاطلب بيتزا لي , عشان احتمال انتي تاكليها اذا كنتي جعانة؟؟

هي:

بالضبط

هو:

وأنا بلاش آكل؟

هي:
يمكن وقتها أكون مش جعانة فتاكلها انت

ملاحظة

محكمة الجنايات قررت تبرئة الزوج من تهمة

"قتل الزوجة مع سبق الإصرار والترصد"

وتحويل التهمة إلى ..

"قتل الزوجة دفاعاً عن النفس" تستاهل الي جرى لها 92

توبيك جامد

عارفها ورخمه

هههههههههههههههههههههههه

هههههههههههههههههههههههههههههههههههههههه
والله عنده حق
دى ست متسفزه وتغيظ اصلا
تسلم ايدك والله

هههههههههههههههههههههه

انا لومكانه كنت لبستها البيتزا فى وشها

وعملتلها ماسك كاتشب ههههههههههههه

يخربيت اللى يزعلها دى حاجه صعبه ههههههههههههههههههه

تسلمى على الموضوع يا عسل

sandy كتب:: توبيك جامد

ميرسي ساندي

mera كتب:: عارفها ورخمه

هههههههههههههههههههههههه

ماشي لما هي رخمه
بتردي ليه علي الموضوع
يا بايخه

محمد المرعب كتب:: هههههههههههههههههههههههههههههههههههههههه
والله عنده حق
دى ست متسفزه وتغيظ اصلا
تسلم ايدك والله

عندك حق يامحمد
دي رفتلي الضغط
نورت التوبيك

مسلمه وأفتخر كتب:: هههههههههههههههههههههه

انا لومكانه كنت لبستها البيتزا فى وشها

وعملتلها ماسك كاتشب ههههههههههههه

يخربيت اللى يزعلها دى حاجه صعبه ههههههههههههههههههه

تسلمى على الموضوع يا عسل

يخرب عقللك ياهبه
والله ضحكتيني
نورتي التوبيك ياقمر

ههههههههههههههههههههه
هههههههههههههههههههههههه
حلوه اوووووووووووووى
تسلم ايدك

لا جامد التوبيك دا بجد
يارب خطيبتى ماتبقى زيها يارب