كلمات اغاني البوم جنات (حب امتلاك)

كلمات اغاني البوم جنات (حب امتلاك) 2009

أنا دنيته

انا دنيته بحالها وحياتة كلها

انا اهله وناسه وروح قلبه وحبيبته

انا اللى لو يغلط مسامحة فى حقها

وانا اللى لما يغيب عليها ترد غيبته

انا الحضن اللى من تعبة بيهرب ليه

انا القلب اللى من خوفة بيتحاما بيه

انا مش واحدة بتحبه بتموت فيه

انا بموت فى التراب اللى بيمشى عليه

انا عمرى ما اتغيرت يوم من ناحيته

وانا اللى راضية تـنـصفة لو كان ظالمها

وانا اللى لما بيشتكى من وحدتة

يبقى معاة قلبى وروحى صحابة يومها

ــــــــــــــــــــــــــــــــــــــ

حـب إمتلاك

اتقالى عنة ياريت تحاولى تحاسبى منه

دا كتير بيوعد بس مبيوفيش بوعدة

اديتة فرصة يحبنى عرفت انة

كان ناوى نتصاحب شوية وننسى بعض

مكنش ناوى خير يوميها يا قلبى ليا

ومكنش ناوى خير من الاول معاك

يادوب دا كان بيرضى بس غروره بيا

وحبه ليا يا قلبى كان حب امتلاك

مش فاهمهه بس ازاى ولية عدت عليا

وانا غلطتى انى مشاعرى خليتنى اندفعت

لما اتعاملت معاة بطيبة وحسن نية

كانت النتيجة ان النهاردة لقيتنى ضعت

ــــــــــــــــــــــــــــــــــــــ

على فكرة

على فكرة مقولتليش كلام حلو النهاردة

متجيش بقى تطلب حاجة منى وعايزنى اعملها ورطة

من مده مجيبتليش يا حبيبى انشالله وردة

بقيت تشوفنى ومتقوليش ياحبيبتى اية القمر دا

انا تكسبنى يادوب بكلام يتقالى ولو مية مرة

ياسيدى بين اى اهتمام لـ امشى انا مش مضطرة

اصلك انت اللى معودنى ع الدلع دا وبتهاودنى

كلمة حلوة يادوب تسعدنى من غيرها حياتى باردة

انا طبعا مقداميش غير انى أتقل ولا ابين

غلطان أوى أصلك تملكنى بكلمتين وانت حنين

ــــــــــــــــــــــــــــــــــــــ

أسمع كلامى

أسمع كلامى وصدقة انت اللى روحى بتعشقة

كان حلم نفسى احققة انى ابقى ليك

قربنى منك ضمنى قد اما احبك حبينى

من غيرك انت يهمنى دا انا روحى فيك

ملهوفة عليك ومسلسمة تقدر تقول مستسلمة

حاسة انى طايرة ف السما واخدنى الشوق

متحيرة متغيرة وكأنى لسة صغيرة

لو بحلم انا بالحلم دا مش عايزه أفوق

لحظة حنان انا عيشتها لحظة ما شوفتك وقتها

وباعلى صوت انا قولتها هفضل معاك

جمبك طريقى هكملة لو لسة عمرى فى أولة

المستحيل انا هعمله علشان هواك

ــــــــــــــــــــــــــــــــــــــ

الطفلة البريئة

الطفلة البريئة المغمضة بقت من النهاردة مش كده

بقت واحدة تانية متمردة والفضل ليك

الطفلة اللى فيا اتغيرت عقلت وأديها اتشطرت

كانت بين ايديك واتحررت من بين ايديك

الطفلة اللى كانت لعبتك ومن ضعفها جت قوتك

اهى اتغيرت من ناحيتك والبركة فيك

الطفلة المطيعة اللى سلمت طلع ليها صوت واتكلمت

كانت لعبتك واتعلمت تلعب عليك

مفيش فايده فيك ولا فيه امل لا جايز ولا بقى محتمل

مهو اللى هيعمل كان عمل حاجة من زمان

فاضل بينا اية نتشدله فاضل بينا اية هنكملة

دا بينك وبينى اتقفلوا كل البيبان

ــــــــــــــــــــــــــــــــــــــ

عشان خاطره

عشان خاطره ياما سمعت الكلام

ومن غير كلام قوام بعمل اللى يقولى علية

مبزعلش منة لو ازعل معاة وعايشة برضاة

وسايباله نفسى أمانة فى ايديه

ولو قالى اية مبسئلش لية

مبقولش انا تلت التلاتة كام

انا ساكتة اهو ومبقولش يوم على حاجة لأ

وكلامة يمشى على قلبى وعنيا

من غير ما ياخد رأيى موافقة

ومعاة أنا من إيده ديا لإيده ديا

ــــــــــــــــــــــــــــــــــــــ

مين بيعيش

مين بيعيش أكتر من عمره مين عارف قدره

علشان يا حبيبى نضيع يوم فى البعد

لية دا زمان كان اللى يشوفنا يحلف بحياتنا وإن احنا لبعض

ازاى بنضيع من روحنا واحنا موافقين بالساهل

لو مش هنخاف على روحنا ف الدنيا دى اية يستاهل

ايامنها ساعات وتفوت و يا اما نعيش يا نموت

ازاى ساكتين

فين من يوم انا وانت بعدنا اية اللى جرالنا

دا انا فاكرة غيابك عنى حكاية وقت

شوف بنموت ازاى من شوقنا مش كنا زمانا عايشين دلوقت

ــــــــــــــــــــــــــــــــــــــ

ضمنى بعيونك

ضمنى بعيونك حسسنى بحبك لياقرب نور لياليا

في أجمل اية ف الدنيا غير أنى ف حضنك أعيش

انا عيشت سنين استناك دا الحب اللى انا بتمناة

كان قبلك ضايع عمرى ومكنتش يوم عايشاة

ولا هقدر اعيش بعديك ولا قلبى يكون غير ليك

ولا كل الكون بيساوى لهفتى وحنينى ليك

دا اللى اتمنيته والحلم اللى انا حبيته

وياك عيشته وحسيته

ومعاك حبيت الدنيا واتمنيت متسيبنيش

ــــــــــــــــــــــــــــــــــــــ

لو مرتاحه معاه

انا لو مرتاحه معاه وبعيش ايامى فى حب وحاسه انى انا لقياة

ايه اللى يخلينى اعيش من غيره او أسى علية

انا لو مرتاحه معاه وبلاقى فى قربه اللى انا عايزاه واللى انا حساه

اية اللى يخلينى ابعد ولا اسئل فيه

بيعاملنى ياناس معاملة مش هيا وراضيه بيها

والكلام يادوب على قد السؤال

يرضى مين ف الدنيا ديا ابقى اعيش انا وحدانية

وهو مبيسئلش عنى ولو سؤال

انا استحملت كتير انا عمرى ما كنت استاهل منه دا غير الخير

انا مش ندمانة بس انا زعلانة وخايفة عليه

معرفش انا كل دا لية اية اللى جرالة وغير حالة و أثر فيه

قساه على قلبى ونساة حبى وعشرتى لية

ــــــــــــــــــــــــــــــــــــــ

جيالك

وجيالك بشوق الدنيا جيالك واحشنى ونفسى اقولهالك

حبيبى فى قلبى شيلالك غرام ميجيش على بالك

ونويالك سنين العمر اعيشهالك حبيبى انا روحى رايحالك

بزعل بس بصفالك بطيبة نفسى سمحالك

قلبى معاك لا نسيتك ولا هنساك لو عنك كنت بعيد

علطول بالخير فكراك

قلبى معاك من الليلة هكون وياك انا هيموتنى الشوق

مش قادرة استنى لقاك

فى احلامك هعيش وياك فى احلامك

هقاسمك كل ايامك لاخر عمرى يا حبيبى

هفضل عايشة قدامك

وعلشانك اضحى بروحى علشانك فى وقت الجرح انا مكانك

وحتى فى يوم ما تنسانى يعز عليا نسيانك

ــــــــــــــــــــــــــــــــــــــ

خيط ضعيف

فية خيط ضعيف رابط ما بينا ودا النصيب

هتخاف علية هخاف علية هتسيب هسيب

لحد امتى هخاف لوحدى ياحبيبى

الخيط خلاص مبقاش متحمل ... رعشة ايدى

لو انت مش عايزنى هالنهاية

ولسة هماك الحكاية

صبر قلبى بلمسة احس ان انت قريب

انت الشمس بس خلاص قربت تغيب

حاجات كتير سيبناها ضاعوا خلاص بقوا ذكريات

وسنينا اللى تعبناها مفضلش منهم غير لحظات

لحظات بتهدد حكايتنا لحين لنعلن نهايتنا

بايديك الخيط اقف لحظة والجرح يطيب

لو تضعف واضعف وتسلم و تسيب وانا اسيب

تسلم ايدك يا مرعب

بس الاغانى اللى بحبها من الالبوم ده هى
انا دنيته
حب امتلاك
مجهود رائع

ainishtin كتب:: تسلم ايدك يا مرعب

بس الاغانى اللى بحبها من الالبوم ده هى
انا دنيته
حب امتلاك
مجهود رائع

انا بحبهم كلهم وبالذات خيط ضعيف
اسمعها وانت تحبها اغنيه جباره بجد
تسلم على على المرور يا هشام نورت

تسلم يا مرعب البوم ده احسن البوماتها فعلا و جنات مغنية محترمة ورائعة

دمت بود

محمد البرقي كتب:: تسلم يا مرعب البوم ده احسن البوماتها فعلا و جنات مغنية محترمة ورائعة

دمت بود

فعلا معاك حق جنات موهبه كبيره
واحساسها عالى وفى نفس الوقت اغانيها محترمه وليها معنى
تسلم ايدك يا امير الياسمين على المرور الجميل نورت

انا بحب اسمع كلامي
انا دنيته
على فكره
ضمني بعيونك
واحيانا الطفله البريئه
تسلم يا مرعب
انا بحب جنات اوووووووي

meshmesha كتب:: انا بحب اسمع كلامي
انا دنيته
على فكره
ضمني بعيونك
واحيانا الطفله البريئه
تسلم يا مرعب
انا بحب جنات اوووووووي

والله وانا بموت فيها
وبحب اغانيها كلها
تسلمى يا مشمش على المرور نورتى التوبيك

مرسى جدا يا مرعب

فعلا مجهود رائع
انا بحب جنات اوى وخصوصا
حب امتلاك
حاسة انها ممكن تكون حاجة حقيقية

لا فقعلا يا بوجة ممكن تحصل ههههههههههههههههههه

صدقيني

ainishtin كتب:: مرسى جدا يا مرعب

مرسى ليك انت على المرور نورت التوبيك

بوجوشوشو كتب:: فعلا مجهود رائع
انا بحب جنات اوى وخصوصا
حب امتلاك
حاسة انها ممكن تكون حاجة حقيقية

اسمعى كلام برقى حقيقه
وصدقينى انا شفتها بعينى

تسلم ايدك يا بوجو على المرور نورتى
ونورتى المنتدى برجوعك ماتغيبيش تانى

» كلمات اغانى البوم أليسا الجديد
» كلمات البوم سميه مش سهله - 2009
» كلمات البوم ايهاب توفيق الجديد 2009
» كلمات البوم كاظم الساهر الجديد المحكمة 2010
» كلمات اهم اغنيه