المنتدى منتداك
 
الرئيسيةالبوابةالتسجيلدخول
titanic_forums@yahoo.com  ايميل المنتدى للإستفسار الشخصي هنا سيرد عليك اي من الطاقم الإداري
جميع المساهمات تعبر عن اراء اصحابها لا عن اراء المنتدى
منتديات تيتانيك..صرح يجمع شباب جامعات مصر (حلوان-القاهرة-عين شمس) إسمتع معنا بالمواضيع الحصرية حيث يمكنك هنا دائما ان تمضي للافضل فالمنتدى منتداك..منتديات تيتانيك..إستمتع بالفائدة
إدارة منتديات تيتانيك تهنئ الأعضاء و جميع الناجحين و تتمنى لهم دوام التفوق و المزيد منه..منتديات تيتانيك..نتعاون لنرتقي

شاطر | 
 

 الفرق بين الطفل الفافي والطفل البيئه

اذهب الى الأسفل 
كاتب الموضوعرسالة
emy
مطرود
مطرود
avatar

عدد المساهمات : 2818
تاريخ التسجيل : 23/07/2009

مُساهمةموضوع: الفرق بين الطفل الفافي والطفل البيئه   الخميس سبتمبر 24, 2009 1:46 am

الطفل الفافى




الولد من دول يصحى على صوت الكناري اللي في اوضته .... -سو سو سو سو ....

يدخل الحمام ياخد شاور ....
ويغسل شعره بشامبو من ايطاليا ....
ويحط جيل بالمرز من فرنسا ويغسل سنانه بمعجون سيجنال تو
.....
بيتفرج على الام بي سي كتيييييير يطلع من الحمام يلاقي الداده مستنياه بفوطه من حريييييير
.... وتلاعبه وتهزر معاه بالانجليزي ....
الداده معاها دكتوراه من جامعة مانشستر يونايتد في لندن يخش على اوضته ... ويفتح الدولاب ويطلع منه هدومه المكويه واللي ريحة اريال بونكس باينه فيها ....
واريال ....
نسيم الصباح
يجيب جزمته من الجزامه ...
اللي مليانه جزم وكوتشيهات ...
تقولش دخلت محل لطفي أو توكيل عواطف للاحذية ينزل يفطر مع مامي ودادي ...
والفطار كورن فليكس بطعم الستروبوري او الشوكولات ....


كورن فيليكس .. مش بسكو مصر يسلم على مامي ويبوسها بعد ماتكون حطتله ديناربوكس بتاعه وفيه .... ساندوتشين تشيكن لاكية و كيس شيبسي و عصير جهينه او ايزي موزوو ايزي مووزو !!!! فاكرين الاعلان ده ؟؟؟ يسلم على دادي اللي يديله البوكيت موني بالدولار ..... ما يعرفش حاجه اسمها جنيه طبعا جنيه ؟؟؟؟ دي عملة انكردت من زمااان يطلع من البيت بعد الداده ماتلبسه الشنطه بتاعة الكتب على ظهره .. بنشوف الشنطه دي مع الخواجات في شرم وبس يركب الباص بتاع اللي سكول .... ويشاور (باي باي) للداده ولمامي ... ويركب مع زمايله ويغنو بالانجليش او الفرينش فريدرو جاكو .... فريدرو جاكو ... هايللبّووه





الطفل البييييئه :


************** دييييييييب .... اخوه رمى عليه طوبه عشان بقاله




ساعتين بيصحي فيه ... وهو ولا هنا ... طبعا .. مقضيها صرمحه في




الشارع للفجر العيال دي ماتعرفش اختراع اسمه غسيل الوش بعد ما تقوم




من النوم .... هم شوية خناق مع اخواته ويبقى صح صح على الآآآآآآآخر بدل تمارين الصباح ... طبعا بعد الخناق ده بيبقى جعان ... تلاقيه بيحوم في الشقه ويدوّر في المطبخ على اي حاجه .... انشالله صرصار ..عشان كده ماتلاقيش في بيتهم صراصير بعد ما يحط في بطنه اي حاجه في رغيف ... يدور على اي حاجه يلبسها القميص مرمي تحت السرير ... ويقلع اخوه الصغير البنطلون بتاعه وهو نايم ... هدومه كلها مكرمشه ... تقولوش طالعه من بق كلب طب وبعدين .... ساعتين بيدور على الشبشب ... مش عارف رزعها فين ... واخوه الكبير خارج من البيت حافي كمان عشان مايقولش انه خدو... افتكر اخيرا انه حاطط فرده منهم فوق الدولاب .... والتانيه ... تحت التلاجه !!!!!! طبعا دلوقتي معاد حرب كل يوم .....امة يا امة ... انا عايز مصروفي مصروف ايه ياااااض ... انت مش واخد امبارح .. ولا كل يوم مصروف مصروف . يعني مافيش اي حاجه ؟؟؟ في دي ..... دييييب ... ضربة بالحله على نافوخوه .... مايعرفش فين كتبه ولا كشاكيله اصلا .... عشان كده ... خد اي كتاب موجود في البيت على اي كشكول .... مايعرفش يعني ايه قلم .... غير اللي بياخده على قفاااه هايروح مدرسته ازاي ؟؟؟ طبعا اي ميكروباز او عربيه نقل وقضيها شعبطه .... في طابور المدرسه ....

**********************


الطفل الفافي (الهاف لايف)
*************************
العيال كلهم واقفين في صفوف شكلها يفرح .. ده غير ريحتهم اللي زي الفل نضافه رباااااااااني الطابور كله تمارين ونشاط .... على انغام الدي جي (ياسر شاكر) الاذاعه المدرسيه ... اخبار من مجلات (واشنطون بوست) وطبعا .... مافيش ترجمه يغنو النشيد الوطني بقيادة المايسترو (سليم سحاب)... كان بيغنيه معاهم قبل ما ربنا يفتح عليه طالعين فصولهم وكأنهم ملايكه أو فراشات ... وبحماس ونظاااام تقريبا ... والله أعلم ... بيحبو مدرستهم ....


*الطفل البيئه :
*************
داخل المدرسه متأخر وحالته نيله اتشعبط في مكروباز (شبرا) ... ومدرسته اصلا في (الحلميه) بعد التذنيب والشتيمه من مدرس الألعاب (حسن أبو شفه) ... انضم لباقي زمايله في المعتقل ... سوري ... زمايله في المدرسه ولا واحد منهم فاهم هو فين أصلا ... واتضح ان صاحبنا أكتر واحد شيييك فيهم تخيلو انتو باقي الأخبار النشيد الوطني اللي هم بيقولوه .... بتاع دوله مجهوله ... ونفسي اعرف ايه هي؟؟؟ طبعا على موسيقا آلات النفخ .... الشيشه في مرحلة طلوعهم الفصول .... ياترى انا في فصل ايه النهارده ؟؟؟ بعد المدرسه ما تخلص ... بيرجعو على بيوتهم بنفس الاسلوب .... ونشوف يومهم عامل ازاي دلوقتي.

.......................................
*الطفل الفافي (الهاف لايف)

***********************

يرجع من السكول تكون الداده في استقباله ... وتشيل منه الشنطه ... ويغسل وشه ويغير هدومه والله العظيم ... وشه انضف من ما كان طالع الصبح أصلا بعد ما اتشطف .... وإتصبّن - الكلمه دي متعوب فيها على فكره يقعد يلعب بلاي ستيشن لحاد ما يعملو الغدا الغدا بتاعهم بنشوفه في الأفلام الأمركاني هاني ... دينر از ريدي السيييم بتاعهم لما يجهز الغدا بعد الغدا ... يشرب كبايه (اورانج جووس) وينام ساعه عشان يعرف يذاكر ويحل الهوم وورك انا مش عارف يعني ايه هوم وورك ... بس سمعتها من فى فيلم اجنبى

قبل كدة






الطفل البييئه


:**************
أخينا رجع من المعتقل ... او المدرسه زي مابيقولو عليها ... وهدومه كلها مقطعه وعلامات التعذيب على جسمه .... تقولوش جاسوس اسرائيلي اتمسك في حلوان امه لسه ماخلصتش الغدا ... النهارده امه دابحه دكر جبنه بيضه ... واحتمال يكون في فول بالصلصه ويجهز الغداء ودي بداية الحرب ... <هجووووووووووم> بعد اكلة الفول بالصلصه ومعاه فحلين بصل ... عادة ما يعقبها احساس بالضياع تنااااااااحه ... فور آيفير بعد حالة التناحه او النوم دي ... بيجي وقت الشده ... ياترى الحياه معاهم - الطفل الفافي .. والطفل البييئه - عامله ازاي ؟؟؟؟.............................................. ....

..................
*الطفل الفافي (الهاف لايف)

************************ يقوم من النوم على صوت الداده ... الهادي طبعا .. عشان يقوم يذاكر مع المس (فرانكا) ... المدرّسه اللي جايبنهاله من انجلترا نازله مخصوص ....... بالتاكالوج... بعد ما يخلص المذاكره وتحضير دروس تاني يوم .... مامته تاخده النادي عشان يلعب رياضه (باسكت او تنس) و احتمال (سكواش) مشتركين في نادي المعادي والصيد والشمس ... ده غير سبورتنج في الصيف يرجع من النادي ... ياخد دش ويحضر شنطته وينزل يتفرج على شانل تو شانل تو بتاعة الام بي سي ... مش بتاعة مصر طبعا على الساعه 10 يقوم عشان ينام .... والداده تحكيله حكايه قبل النوم سندريلا وسنوو وايت ... مش ابو رجل مسلوخه وامنا الغوله ينام على صوت الداده وهي بتغنيله اغنيه رومانسيه ... وفي حضنه الدبدوب اللي جاله في عيد ميلاده ملاك نايم يا اخواتي






*الطفل البيييئه :***************


يفوق من حالة التناحه من الفول والبصل على صوت حد من صحابه ... عشان ينزل يلعب كوره شراب في الخرابه اللي جنب الحاره بتاعتهم يرجع بيتهم وهو بيجري وهدومه متقطعه ودماغه واخده بتاع تلاتين قلم على سهوه .... عشان شاط الكوره وكسر الازاز بتاع محل عم سيد البقال الراجل ده من كتر الازاز بتاعه ما اتكسر ... هايفتح مصنع ازاز اخته جابته عشان يحل الواجب ويذاكر .. بس مامعاهوش قلم ... قام نزل الشارع عشان يجيب قلم آدي دقني لو جاب ولا حتى رجع من أصله على الساعه 2 الفجر ... باب بيتهم بيخبط .. وامه فتحت الباب شافت جارهم دماغه متعوره وجايب لها المحروس اللي كان بيلعب حرب بالطوب وفتح دماغه تقولش طفل من أطفال الانتفاضه ساب امه وابوه وهم بيصالحو جارهم وبيبوسو ايده عشان ما يعملوش محضر واتسحّب المفعوص على المطبخ جاب حتة جبنه وطماطمايه ورغيف وزوغان على السرير بسلامته نايم وهو متلفح بالبطانيه
الرجوع الى أعلى الصفحة اذهب الى الأسفل
محمد المرعب
مشرف
مشرف
avatar

عدد المساهمات : 4225
تاريخ التسجيل : 19/07/2009
العمر : 29
الموقع : فى قلبها
العمل/الترفيه : البحث عن كل ماهو مرعب

مُساهمةموضوع: رد: الفرق بين الطفل الفافي والطفل البيئه   الخميس سبتمبر 24, 2009 12:19 pm

هههههههههههههههههه
جامده تسلم ايدك



>
الرجوع الى أعلى الصفحة اذهب الى الأسفل
http://7elwan4ever.gid3an.com
emy
مطرود
مطرود
avatar

عدد المساهمات : 2818
تاريخ التسجيل : 23/07/2009

مُساهمةموضوع: رد: الفرق بين الطفل الفافي والطفل البيئه   السبت سبتمبر 26, 2009 4:48 pm

محمد المرعب كتب:
هههههههههههههههههه
جامده تسلم ايدك

نورت التوبيك
الرجوع الى أعلى الصفحة اذهب الى الأسفل
سوزى
رومانسي كبير
رومانسي كبير
avatar

عدد المساهمات : 488
تاريخ التسجيل : 01/09/2009
العمر : 26
الموقع : فى البيت
العمل/الترفيه : طالبة جامعية

مُساهمةموضوع: رد: الفرق بين الطفل الفافي والطفل البيئه   الخميس أكتوبر 01, 2009 7:16 am

ههههههههههههههههههههههههههههههههههههههههههههههه حلوة موووووووووووووووووووت بس فعلا انتى اللى اخترعتيها
الرجوع الى أعلى الصفحة اذهب الى الأسفل
emy
مطرود
مطرود
avatar

عدد المساهمات : 2818
تاريخ التسجيل : 23/07/2009

مُساهمةموضوع: رد: الفرق بين الطفل الفافي والطفل البيئه   الخميس أكتوبر 01, 2009 5:21 pm

سوزى كتب:
ههههههههههههههههههههههههههههههههههههههههههههههه حلوة موووووووووووووووووووت بس فعلا انتى اللى اخترعتيها

هههههههههه نورتي ياقمر
بس اختراعت ايه
صلي علي النبي
الرجوع الى أعلى الصفحة اذهب الى الأسفل
crazylife
رومانسي على قده
رومانسي على قده
avatar

عدد المساهمات : 61
تاريخ التسجيل : 25/09/2009

مُساهمةموضوع: رد: الفرق بين الطفل الفافي والطفل البيئه   الجمعة أكتوبر 02, 2009 9:06 pm

ههههههههههههههههههههههههههههه
حلو اوى
وتسلم ايدك
الرجوع الى أعلى الصفحة اذهب الى الأسفل
emy
مطرود
مطرود
avatar

عدد المساهمات : 2818
تاريخ التسجيل : 23/07/2009

مُساهمةموضوع: رد: الفرق بين الطفل الفافي والطفل البيئه   الجمعة أكتوبر 02, 2009 10:58 pm

crazylife كتب:
ههههههههههههههههههههههههههههه
حلو اوى
وتسلم ايدك

الاحلي هو مرورك يا قمر
الرجوع الى أعلى الصفحة اذهب الى الأسفل
 
الفرق بين الطفل الفافي والطفل البيئه
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات تيتانيك :: انسى الدنيا ومزمز ميريندا :: يلا نهييس شويه-
انتقل الى: